ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Өргөө кино театр

“Өргөө”-гийн түүх
Анхны “Өргөө” кино театрын зураг төсөл 1987 онд ЗХУ-ын Моспроект компанийн захиалгаар гүйцэтгэгдэж, 1988-1989 онуудад тухайн үеийн ЗХУ-ын барилгачид барьж 2 танхимтай кино театрыг ашиглалтанд өгч байсан. Тухайн үедээ нийслэлийн соёл хүмүүжийн томоохон төвүүдийн нэг байсан “Өргөө” кино театрын барилгыг 1998 онд менежментийн хувьчлалаар “Сод Монгол Групп” ХХК тендерээр авч барууны шинэ соёлыг нэвтрүүлэх оролдлогуудыг хийж эхэлсэн билээ. Гэвч энэ цаг үе нь монголын кино урлагийн зогсони үе байсан ба гадаадын кино бүтээлүүдийг тогтмол авч гаргах хууль эрх зүйн орчин ч бүрдээгүй байсан учир уг байгууламжийг зөвхөн кино театрийн зориулалтаар ашиглах боломжгүй байсан бөгөөд бизнесийн оновчтой санаа байгаагүй юм. Тиймээс хувьсгалын тохироо бүрдэх мөчийг хүлээн өнгөрсөн 10 шахам жилийн хугацаанд элдэв үйлчилгээ, түрээсээр аргацаан “Өргөө” кино театрын барилгыг хадгалж үлдэх нь хамгийн зөв шийдэл байжээ. Өнгөрсөн хугацаанд олны хөлд дарагдсан хорооллын гудамжинд “Өргөө” кино театрийн барилга нь зугаа цэнгэлийн хот “Лас Вегас” –аар нэрлэгдэж, эргэн тойронд нь явуулын зах зээл бужигнаж, архидан согтуурагчид, танхайрагчид эргэлдсэн тааламжтай бус газар байсан боловч 2007 оны сүүлээр удаан хүлээсэн хувьсгалын тохироо бүрдэж “Сод Монгол Групп” ХХК-ын охин компани болох “Нью Тур Сафарис” ХХК дэлхийн алдарт “Варнер Брос Интернэшнл” кино компанитай хамтран “Лас Вегас” төвийг дахин “Өргөө” кино театр болгох шинэчлэлтийн ажлыг өрнүүлснээр 4.5 тэрбум төгрөгийн төсөл хэрэгжсэн байна. Оройхон гарч ширүүхэн дайрсан уг замнал их хотын соёлд ийнхүү хувьсгал хийлээ.

Шинэ “Өргөө”-гийн бодлого, үйл ажиллагааны чиглэл
“Өргөө” кино театр дэлхийд алдартай “Варнер Брос Интернэшнл” кино компанийн хамтын санаачлагаар дэлхийн дэвшилтэт дуу, дүрсний технологийг Монголд нэвтрүүлж, хүүхэд залуусын чөлөөт цагийг зөв боловсон өнгөрүүлэх шинэ орчинг бий болгох, нийгмийн соёлд хувь нэмэр оруулах зорилгоор үйл ажиллагаагаа цоо шинээр эхлүүллээ. Өсөн нэмэгдэж байгаа эрэлт хэрэгцээ, энэ дундаа залуучуудын чөлөөт цагийг зөв боловсон өнгөрүүлэхэд чиглэсэн үйлчилгээ олноор нэмэгдэж, зах зээлийн өрсөлдөөн бий болж байгаа энэ цаг үед менежментийн өргөн цар хүрээтэй бодлоготой, олон улсын шаардлага хангасан үйлчилгээний жишигтэй, хамгийн сүүлийн үеийн дэвшилтэт техник технологтой, энтертэйнментийн шинэлэг хэлбэрүүдийг нэвтрүүлсэн цогц үйлчилгээг бий болгохыг зорин ажиллаж байна.
“Варнер Брос Интернэшнл” кино компанийн зөвлөгөө, хяналт, хамтын ажиллагааны үр дүнд киноны зах зээлд шинээр гарч ирж байгаа кино бүтээлүүд, шинэ мэдээ мэдээлэл зэргийг цаг алдалгүй нийслэлчүүдэд хүргэх, улмаар хүүхэд залуусын хүмүүжил, төлөвшилд эерэгээр нөлөөлөх, нийслэлийн соёл хүмүүжлийн байгууллагуудтай бодлогын хүрээнд нэгдэж ажиллах, “Зохиогчийн эрхийг хамгаалах тухай” хуулийг Монгол улсын нутаг дэвсгэрт хэвшүүлэх явдлыг дэмжих нь “Өргөө” кино театрийн нэн тэргүүний зорилго билээ. “Өргөө” кино театр нь нийслэлийн соёл, хүмүүжил, зөв боловсон үйлчилгээний байгууллагуудтай зорилго, бодлого нэгдэн хамтран ажиллах, нийгэмд шинэ соёл, үйлчилгээг нэвтрүүлэх оновчтой саналыг дэмжиж ажиллахдаа баяртай байх болно.

www.urgoo.mn

Дэлгэрэнгүй мэдээлэл

Мэдээлэл ороогүй байна.

Сэтгэгдэл бичих

Бусдыгаа хүндэлж эелдэг байгаа танд баярлалаа.


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com