Түрхэх, амраах, үр дүнгээ үзэх алхам
Маскаа бэлтгэснийхээ дараа шуудхан л нүүрэндээ түрхэж эхлэх хэрэгтэй. Жаахан удаавал желатин хэлбэр лүүгээ маск маань шилжих тул нүүрэн дээр тогтохгүй байх магадлалтай. Ихэнхи маскууд зовхи болон урууландаа хүргэх хориотой байдаг бол харин энэ төрлийн маскыг нүд, уруул гээд нүүрнийхээ арьсанд бүхэлд нь тавьж болдгоороо онцлогтой. Маскаа дөнгөж тавьж дууссаны дараа 10 минутын дараа гэхэд маск маань тэр чигтээ желатин хэлбэрт шилжих тул босоод гэр орны ажлаа хийх, бусад зүйлсээ амжуулахад ямар ч саадгүй юм байна лээ шүү. 15-20 минутын дараа маскаа хуулж авж болно. Хуулж авах зориулалттай маскыг хэрэглэсний дараа арьс давхар зулгаагдчихсан мэт тавгүй мэдрэмж төрж, зарим эмзэг арьстай хүмүүсийн арьс нь бүүр улайчихдаг бол харин энэ маск нь нэгэн төрлийн желатин хэлбэрт шилждэг тул хуулж авах үед ямар ч тухгүй мэдрэмж огт төрүүлэхгүй. Тийм ч учраас эмзэг арьстай хүмүүст онцгойлон зөвлөдөг биз ээ.

Эцэст нь маскны үр дүн маань намайг үнэхээр гайхшируулсан шүү. Яг л гоо сайхны салонд олон төрлийн үйлчилгээ хийлгэсэн мэт арьс маань гар хүрэх төдийд л гулсчихмаар тийм толигор, чийглэг болсон байсан. Мөн 2 хөмсөгний хоорондох арьс буюу T-zone-ийн эхлэл хэсэг, үргэлж тослогтоод юм гардаг хэсгийн маань улайлт болон тослог нь ор мөргүй алга болсон байсан шүү. Хамран дээрх жижигхэн жижигхэн хар батганууд маань ч гэсэн надтай салах ёс хийчихсэн байсан.

Маскаа тавьсныхаа дараа шөнийн тосоо түрхэж унтаад өглөө нь зөвхөн нүүр цэвэрлэгч хөөсөөрөө нүүрээ угаасны дараа ч арьс маань хангалттай чийглэг байсан нь үнэхээр гоё мэдрэмж төрүүлсэн шүү. Энэ төрлийн маскыг ихэвчлэн 25+ настай хүмүүст гоо сайханчид зөвлөдөг хэдий ч 23 настай залуухан арьстай надад ч гоо сайхан руу 7 хоног тутамд очиж байхаар цаг, мөнгөө давхар хэмнээд энэ төрлийн маскыг гэртээ бэлдэж тавин, арьсныха асуудлуудыг шийдэн, арьсаа баярлуулж байх нь үнэхээр ухаалаг сонголт мэт санагдсан билээ.