Шидэт дагина -Төмөр утсыг ашиглаад энэ хөөрхөн шинэ жилийн дагиныг хийгээд үзээрэй. Уян хатан, хэврэг хувцасны өлгүүр байвал сайн.
Хэрэгтэй зүйлс: Төмөр утас эсвэл хэврэг өлгүүр, цагаан тор 100см х 13 см, 25 см гялтганадаг тууз, өргөн тууз, мэндчилгээний картны дээр байдаг хатаасан цэцгэн чимэглэл.
Төмөр утаснаасаа 46 см-ийг тайрч ав. Дундуур нь нугалж толгойны гогцоог гаргаад хоёр талаас нь чимхэнэ. Гарыг нь хийхэд 21 см урт төмөр утас хэрэгтэй. Дугуйруулж нугалаад их биенээсээ 1 см-ын доор зайд наана. Даашинзыг хийхийн тулд торноосоо 25 см x 13 см-ийн хэмжээтэй 4 тэгш өнцөгтийг хайчлаад нэгнийх нь доод ирмэгт гялалздаг туузаа наана. 4 торныхоо дээд ирмэгийг наагаад их биендээ бэхэлнэ. Даашинзны дээд хэсгийг хийхийн тулд их биеийг тойруулан өрөгн туузаа хэд ороогоод утас зүүгээр бэхэлнэ. Далавчийг хийхийн тулд өргөн туузнаасаа 24см-ийн урт, 6 см-ийн өргөнтэй 2-ыг хайчилаад дундуур нь нугалж дагиныхаа ар талд наана. Хамгийн сүүлд мэндчилгээний картан дээр байдаг хатаамал цэцгийг гаранд нь нааж тогтооно. Бэлэн болсон дагинаа гацуурынхаа орой дээр байрлуул.