ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

“Арчаатай бүсгүйн 100 орой” хэмнэл суулгах дэвтрээс онцлох арьс арчилгааны 20 бяцхан зөвлөгөө

Гоо сайхан  | 2019 / 03 / 15

Орой бүрийн арьс арчилгааны хэмнэлд зөв дадал суулгах 20 бяцхан зөвлөгөөг хүргэж байна. Маш энгийн, тогтмол арчилгааг л арьс маань биднээс хүсэж байдаг.

“Арчаатай бүсгүйн 100 орой” хэмнэл суулгах дэвтрээс онцлох арьс арчилгааны 20 бяцхан зөвлөгөө

“Арчаатай бүсгүйн 100 орой” арьс арчилгааны хэмнэл суулгах дэвтэр маань гоо сайхны зөвлөхийн, арьс арчилгааны мэргэжилтний, хөтөлбөрт оролцсон бүсгүйчүүлийн мөн охид бүсгүйчүүлийн ментор Гоолингоогоос зөвлөж буй арьс арчилгааны талаар 100 шилдэг зөвлөгөө багтсанаараа онцлогтой. Энэ нийтлэлээрээ эхний 20-ыг нь онцолж байна. Цаана нь ахиад 80 үнэт зөвлөгөө бий гээд боддоо?

1. Долоо хоногт багадаа 2 удаа нүүрэндээ маск тавиад байхад л арьс чинь одоогийнхоосоо хамаагүй гоё болно.

2. Биеэ чийгшүүлэх хамгийн тохиромжтой үе хэзээ гээч? Шүршүүрт орсны дараах болон орондоо орохын өмнөх үе юм. Энэ үед арьсны нүх сүв нээгдэж гоо сайхны бүтээгдэхүүн “хүлээж авах”-д бэлэн болсон байдаг.

3. Эрдэмтдийн тогтоосноор үл үзэгдэх нян бактери агуулсан гараараа нүүрэндээ хүрэх нь батга гарах, хуурайшуулах, хөгшрөлтийг түргэсгэх, үрчлээ үүсгэх шалтгаан болдог гэжээ. Тиймээс арьсаа ч, биеийн эрүүл мэндээ ч хамгаалахын тулд хуруугаараа нүүрэндээ хүрдэг “илүүдэл” зуршлаа гээж, гараа сайтар угааж цэвэрлэж байх хэрэгтэй юм.

4. Гар утасныхаа дэлгэцийг тогтмол цэвэрлэж арч. Халаас, цүнх, машины суудал дээр гээд чи хаа саагүй тавьсан нь тодорхой. Тэр бүрт арьсанд чинь бактери наалдаж, наалдсан болгон чамайг утсаар ярихад арьсанд чинь шингээд үлдэж байгаа гэдгийг мартаж болохгүй.

5. Хөөсрүүлж угаасны дараа арьс хамгаалалтаа алдаж байдаг учир угаачихаад чийгшүүлэх бүтээгдэхүүн заавал түрхэх хэрэгтэй.

6. Улирал, хоол хүнс, амьдралын хэв маягаас шалтгаалж арьсны төрлүүд өөрчлөгдөж байдаг. Тиймээс улиралдаа нэг эсвэл хэрэглэдэг бүтээгдэхүүн чинь таарахаа болиод ирэх үед арьсаа ахин оношилж байх нь зөв.

7. Чийггүй бол арьс нимгэрч, уян хатан чанараа алддаг. Тиймээс хуурай арьс эмзэгших нь илүү амархан байдаг. Тослог арьс ч бас буруу арчилгаанаас болж эмзэгшдэг.”
8. Нүдний доор үүссэн уутанцарыг арилгахын тулд нүүр цэвэрлэгч хөвөнгөө дундуур нь хуваагаад хөвөндөө тоникоо шингээж зовхин дороо наана. 5-10 минут болсны дараа аваарай. Нүдний дор үүссэн уутанцрыг арилгахын зэрэгцээ нүд орчмын арьсыг сэргээж өгнө.

9. Нүүрэндээ тос болон бусад бүтээгдэхүүнүүдээ түрхэхдээ гараараа доошоо биш дээшээ чиглэлтэй түрхэх хэрэгтэй бөгөөд дээшээ түрхэхдээ даралт өгч доош бол хөнгөн дарж түрхэх нь зөв юм.

10. Витамин С –г нэмэлтээр хэрэглэхийг зөвлөж байна. Цусны эргэлтийг сайжруулж, коллагений идэвхжилтийг нэмэгдүүлдэг болохоор байнга хэрэглэвэл арьс залуу, уян хатан, өнгөлөг байна.

11. Хөгшрөлтөөс сэргийлэхийн тулд тогтмол арчилгаа хийх, хоолоороо шим тэжээлийг хангалттай сайн авах, ус сайн уух /гэхдээ залгилж бус шимж уух/ хэрэгтэй.

12. 20 настай хүнд үрчлээ үүссэн бол үрчлээний эсрэг бүтээгдэхүүнээс өмнө сайн чийгшүүлж, тэжээл өгөхөд анхаарах хэрэгтэй. Мөн арьсны хэв маяг хооллолтоо зөв болгох хэрэгтэй юм. Ингэснээр үрчлээ арилж эхэлдэг.

13. Сэвх нөсөө толбо үүсэх төрөлхийн болон олдмол шалтгаанууд байдаг. Төрөлхийн сэвх цайвар нимгэн арьстай бүсгүйчүүлд ихэвчлэн тохиолдоно. Олдмол сэвх нь дааврын өөрчлөлт, хооллолт болон нарнаас хамгаалаагүйгээс үүсдэг.

14. Цайвар арьс өөрөө өөрийгөө нарнаас хамгаалах чадвар муу байдаг. Харин бор арьстай бол нарны хэт ягаан туяанд гэмтэх нь бага байна. Тиймээс цайвар арьстай хүмүүс илүү өндөр хамгаалалттай нарны тосыг түрхэх хэрэгтэй. Нарны тос нь нарны туяа, ширүүн салхи, тоос тоосонцор, агаарын бохирдолоос арьсыг хамгаалдаг.

15. Нарны тосон дээр байдаг SPF гэдэг нь “Sun Protection Factor” буюу нарнаас хамгаалах хүчин зүйлийн тэмдэглэгээ юм. SPF15, SPF20, SPF30, SPF40, SPF50 – зэрэг арын тоонууд нь тухайн тос нарнаас арьсыг хэдэн цаг хамгаалахыг зааж өгдөг.

16. Гэрээсээ гарахаасаа 30 минутын өмнө нойтон биш хуурай арьсан дээрээ нарны тосоо түрхэх хэрэгтэй.

17. Цас, элс, ус нь нарны туяаг ойлгодог. Тиймээс энэ гурвын аль нэг нь ихтэй газар луу явах гэж байгаа бол нарны тос хэрэглэх нь бүр ч чухал.

18. Нарны хэт ягаан туяа нь үүлийг нэвтэлдэг учраас, үүлэрхэг бүрхэг үед ч нарны тосоо хэрэглээрэй.

19. Нүүр цэвэрлэгч хөөс болон шингэн саван авахдаа хүчил шүлтийнх нь хэмжээг сайтар анхаарах нь зүйтэй. Арьсандаа хатуу саван хүргэхийн хэрээр байгалийн рН тэнцвэрийг нь алдагдуулсаар байдаг.

20. Арьс арчилгаандаа онцгой анхаарч, шинэ хэмнэл суулган өөртөө болоод өөрийнхөө амьдралд сэтгэл хангалуун байхыг хүсвэл “Арчаатай бүсгүй 100 орой” арьс аряилгааны хэмнэл суулгах дэвтрийг 90100132 дугаарт захиалан хүргүүлж авах боломжтой. Мөн Интерномын салбаруудаар худалдаалж эхэлсэн шүү.

Эх сурвалж: Залуу бүсгүйчүүдийн ментор Гоолингоо
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(267)   Хаалтанд байгаа 3 оронтой тоог оруулна уу!

Сэтгэгдэл

Зочин: pagmaq.   2019-03-15
ene dewtriig awah bolomjto yu?

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com