ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Танилтай бол талын чинээ... Хүрээлэл сайтай эмэгтэй болоорой!

Ажил & Мөнгө  | 2010 / 09 / 02

Бусдыг татах увьдасыг хүн өөрөө бий болгож болдог.

Хорин настай байгаа та одоохондоо энэ үгийн мөн чанарыг бүрэн төгс ухаараагүй байж ч магад. Гэвч хүнд хүн шиг том өв хөрөнгө гэж байдаггүй.

Танилтай бол талын чинээ...    Хүрээлэл сайтай эмэгтэй болоорой!

Хэн нэг нь хүнд хэцүү байдлаас гарах, том боломжтой учрахад ард нь ач тусыг нь мартахын аргагүй “хэн нэгэн хүн” заавал байдаг нь санаандгүй хэрэг биш ээ. Тийм ач тустай хүмүүсээр өөрийгөө хүрээлүүлсэн хүнийг хараад бид буянтай гэж хэлдэг шүү дээ.

Танил сайтай хүмүүс ямар хүмүүс байдаг вэ?
Хүмүүс ямар ч юм барьж авсан түүнийгээ мөнгө болгож чаддаг хүмүүсийг хараад “эдийн тэнгэртэй” хүн, бүх хүүхдүүд нь амжилт гаргаж эцэг эхээ өргөж асарч байгаа хүмүүсийг хараад “үрийн заяатай” хүн гэж хэлдэг.  Гэтэл нарийн ажаад үзвэл эдийн тэнгэртэй хүн хэдэн удаагийн цаг үеийн өөрчлөлтийг өөрийн биеэр үзэж туулан, хаана хөрөнгө оруулалт хийвэл ашигтай байхыг судалж мэдсэн хүн байдаг, үрийн заяатай хүн өөрсдөө эцэг эхдээ ачлалтай сайн хүүхдүүд байж өөрсдөө ч үр хүүхэддээ сайн сайхан зүйлийг зааж сургасан хүмүүс байх нь олонтаа.

Хүний буян ч мөн адил. Буян заяа гэдгийг дээрхи жишээнүүдээс харвал хүмүүс өөрсдөө бий болгож байдгийн нэгэн адил хүний танилын хүрээ хүн ч мөн адил ямар ч шалтаг шалтгаангүйгээр хүмүүс түүнийг тойрон хүрээлдэг бус тэр хүнд ямар нэгэн онцгой зүйл байгаа учраас тийм байдаг аж. Тэдгээр хүмүүс ихэвчлэн хүнийг үнэлж, харилцаагаа нандигнаж чаддаг хүмүүс юм. Мөн шинээр хүмүүстэй найзалж нөхөрлөхдөө айж бэргэдэггүй. Ямагт өөрт нь ижил дасал болсон, гарын дор хүнтэй найзлах гэдэг хүнд бусад хүмүүсээс илүү бага хүний буян наалддаг юм. Хорвоо дээр тоо томшгүй олон хүнтэй тааралдах авч тэдний дотор надтай ажил төрлийн хамтрагч болох хүн юмуу, үзэл бодол зан чанарын хувьд надтай яв цав таарч хоёргүй сэтгэлээр найзлах хүн мэдээж олон бий. Тийм хүмүүстэй найзалж нөхөрлөх боломжийг бүрдүүлж чадахгүй байгаа бол та аль хэдийн хасах тэмдэгрүү орчихсон явж байна гэсэн үг.

Мэдээж бүрэг ичимхий зангаасаа болоод заавал тэгж санаачлагыг гартаа авч бусадтай найзлах нь хэцүү санагддаг, бас тэгэн тэгэн албан хүчээр хүнтэй найзлах ямар хэрэг байна аа гэж ярьдаг эмэгтэйчүүд ч байдаг.
Гэвч хүн гэдэг үүднээс нь жаахан ч болов анхааралтай хандвал танихгүй хүмүүстэй танилцана гэдэг тийм ч хэцүү зүйл биш гэдгийг мэдэж болно. Шинэ хүмүүстэй танилцах нь маш сонирхолтой хөгжилтэй зүйл бөгөөд зарим тохиолдолд шинэ хүмүүс танд сайн үлгэр дууриал үзүүлж ч болно, зарим хүмүүсээс нь та муу үлгэр дууриаллыг харж ч болно.

Шинэ хүмүүстэй найзлах явцад ихэнх хүмүүс нь явцын дунд хасагдаж алга болдог бол цөөн тооны хүмүүс бидний дэргэд байсан хэвээр байдаг. Тэдгээр үлдсэн хүмүүсийг барьж авч, өөрийн болгож чаддаг хүн бол хүний буянтай гэсэн үг юм.
Чин сэтгэл бялдуучлалтай харьцуулшгүй зүйл.

Олон хүнтэй уулзаж учирдаг л бол танил олонтой хүн гэж ойлговол сурталчилгааны юмуу, худалдааны чиглэлээр ажилладаг хүмүүс бүгдээрээ хүний буянтай хүмүүс болж таарах нь. Гэтэл бодит байдал дээрээ яг ч тийм байдаггүй, хүний тэнгэртэй хүмүүст өөр нэг нууц байна гэсэн үг. Дүгэн хэлбэл хүний тэнгэртэй хүмүүст нэг их гоц гойд арга гээд байх юм байдаггүй. Онол шиг сонсогдож байж болох ч бусад хүмүүстэй чин сэтгэлээсээ харьцах нь цорын ганц нууц гэж хэлж болно.
Нийтэч зан болон хэл ярианы баялагтайнхаа “таньдаг хүн” ихтэй байж болох авч хүнд чин сэтгэлээсээ хандахгүйгээр “дээд зиндааны” гэж болохоор хүнтэй найз нөхөд болох хэцүү.

Ч бүсгүй хүнтэй найзалж нөхөрлөхдөө гаргууд эмэгтэй байлаа. Хөгжилтэй, наргианч яриагаараа бусдыг дандаа хөгжөөдөг, төдийлөн ойр дотно байгаад байдаггүй хүнийг ч эелдэг, найрсаг зангаараа татаж чаддаг тул анх танилсан хүмүүс түүний талаар сайхан сэтгэгдэлтэй хоцордог байлаа. Гэтэл тэр эмэгтэйг сайтар ажаад үзтэл нэгэн сонин зүйл ажиглагдлаа. Эргэн тойронд нь дандаа л хүмүүсээр дүүрэн байдаг мэт харагддаг Ч-гийн хамгийн ойрын зайнд хэн ч байхгүй байлаа. Тийм учраас тэр эмэгтэй ямар нэг шийд гаргах мөчид ганцаараа байх үе их байдаг байлаа. Тэр бүсгүйтэй ойр нөхөрлөдөг нэг найз хүүхэн нь нэг залууд сайн байсан ба үүнийг ч Ч болон бусад хүмүүс мэддэг байжээ.

Гэтэл Ч үүнийг нь мэдсээр байж тэр залуутай нууцаар болзож уулздаг байсныг сүүлд мэдээд уг бүсгүй багагүй цочролд оржээ.
Бас нүүрэн дээрээ ямар нэг хэцүү юм гарвал хэзээ ч хамаагүй надад хандаж болно гэж хэлчихээд яг цагаа тулахаар өөрийнхөө нэг явцуу ашиг сонирхолыг илүүд тавьдаг, ар хударгаар нь янз бүрийн юм ярьж явдаг байсныг мэдээд Ч бүсгүйтэй харилцаагаа тасалсан хүмүүс ч олон байлаа. Тэр бүсгүйтэй ойртож нөхөрлөх гэсэн хүмүүс гэмгүй байж байгаад “чадуулсаныхаа” дараа ум хумгүй зугтан оддог байсан учраас түүнээс ялимгүй зай байрьдаг хүмүүс л үлддэг байлаа.
Тиймдээ ч тэрүү Ч цаанаа л нэг гунигтай байдаг байв. Одоо ч гэсэн Ч олон хүн хүрээлж байгаа мэт боловч, нөгөөтэйгүүр хэн ч байхгүй байна.
Хүнтэй чин сэтгэлээсээ үерхэж нөхөрлөх аргын талаар зааж сургасан номнууд номын дэлгүүрт үй түмээрээ байдаг. Гэхдээ л толгойтой үснээсээ их хүнтэй найзалж нөхөрлөхийн үндэс нь эцсийн эцэст чин сэтгэл билээ.

Эхлээд сайхан сэтгэл өвөрлөж хүмүүстэй харилцахыг хичээж өөрийнхөө сэтгэлийг дамжуулж байна гэж бодоод хүмүүстэй харилцаад эхлэхээр арга барил нь эхний үед болхи бүдүүн баараг байлаа ч цаадуул чинь таныг хүлээж авах л болно. Тэр нандин чанарыг өөртөө бий болгож эс чадваас хэдэн зуун ном зохиол уншлаа гээд зүгээр л хаягдал цаас авдаг цэгийн түүхий эд болохоос цаашгүй байх болно.
Ямар нэгэн тусгай арга ухаан сэдэж хүний сэтгэлийг олох гэж бүү оролд. Ямар ч тэнэг мангар хүн байлаа ч хуурамч инээмсэглэл, чин сэтгэл хоёрыг ялгаж салгах чадвартай байдаг юм. Хүнтэй харьцдаг муу арга залийг тань хараад таны дэргэд байхыг хүсэх хүн нэг ч байхгүй л болов уу.

  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(347)   Хаалтанд байгаа 3 оронтой тоог оруулна уу!

Сэтгэгдэл

Зочин: Sanaa aldah :(.   2010-09-07
Sain bnuu? Ta buhend ene shuniin mend. Bi yer ni shal esreg hun ym shig bnoo. Ingd l goolingoogoosoo unshaad l bdag unshaad l bdag. Bas uur nom, sonin setguul site-s bas unshdag. Tehdee l yerduu heregjuulj chadahgui ymoo. Bi humuuste chin setgeleesee l haritsdag. harin ted suuld ni minii tuhai jhan taagui setgegdeltei hotsorson bdgiig meddeg. Bi ih bodlogoshirongui, bas ih gunigtai gj tedend haragddad gsn. Bi ene buhnees zalhjiina...bi jhan duugai taldaa, bas jhan ichimhiiduu, bureg. Bas bi uvchtei bolhor namaig humus danda l uvchtei gsn bair suurinaas harj, bas tegej haritsdag. Bas nadad bainga zaaj zuvluh gdg. Ene ni nadad anhandaa zgr l bsn. Harin suuldee hun bolgon tgj handah tusam uur min hurch bachuurdag bolloo... Nadad tuslaach...

Зочин: zulaa81.   2010-09-03
goolingoo er ni ih dajgui site shuu,eldev hov jiv bish heregtei hund oodrog setgegdel toruulheer medeelel hiideg

Зочин: xoorxonoxin.   2010-09-02
ok. unen shuu bgaagaaraa l btsgaay l daa. nadad mayg zoxidgui l dee. xarin ineemseglel bol oor shuu

Зочин: maika.   2010-09-02
goe yuma ih yum medej avlaa jiriin murtluu goolingoodoo bayrllaa

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com