ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Та яагаад өдөр бүр хамгийн сайхнаараа харагдах ёстой гээч?

Гоо сайхан  | 2011 / 05 / 30

“Өдөр бүрийг хайртай залуутайгаа анхны болзоонд явах гэж байна гэж төсөөлөөд өөрийгөө гоёж гоод. Цаг мөч тутамд гялалз. Нэг ч хором бүү бүрсийж гунд”.-Энэ зөвлөгөөг Гоолингоо өгч байсныг та санаж байна уу?

Тэгвэл яагаад өдөр бүр өөрийгөө заавал дээд зэргээр гангалан, хамгийн сайхнаараа харагдах ёстой гэж, ингэж хичээх юу нь тийм гоё гэж? хэмээн та асууж магадгүй юм. Энэ асуултын хариуг 5 шалтгаанаар өгүүлье.

Та яагаад өдөр бүр хамгийн сайхнаараа харагдах ёстой гээч?

1. Танд шинэ боломж гарч ирж магадгүй-Өдөр бүр л боломжуудаар дүүрэн байдаг. Яг үнэндээ боломж гэдэг үргэлж хаалттай байсан мөртлөө хэлж дуулгалгүйгээр гэнэт л нээгдчихсэн байдаг том хаалга юм. Тэгж түр нээгдэх хугацаанд л амжиж орохгүй бол гүйцээ. Эмэгтэйчүүд бидний нэг том давуу тал бол гадаад байдалдаа санаа тавьснаар бусдаас түрүүлж алхах боломжтой болдог. Амьдралд хэрэгтэй шинэ хүн, шинэ учрал, шинэ үйл явдлууд өдөр бүр таныг хүлээж байдаг учраас үргэлж хамгийн сайхнаараа харагдаж тэр нээгдсэн хаалгуудад амжиж орох ёстой.

2. Өөртөө итгэх итгэл нэмэгдэнэ-“Би сайхан харагдаж байна” гэсэн бодол бидний өөртөө итгэх итгэлийг хормын төдийд огцом өндөрсгөдөг. Өөртөө тийм ч их анхаарал тавиагүй өдрөө бид зориггүй, дуугүй байж онцгой хүний нүдэнд өртөхгүй байхыг хичээдэг. Харин үсээ донжтой янзалж, уруулаа өнгөлсөн үедээ хүн бүр өөрийг минь хараасай гэж хүсдэг учраас ямар ч хүнтэй итгэл дүүрэн харилцаж чаддаг юм.

3. Бусдын хандлага дээшилнэ-Өнгө үзэмжиндээ анхаарал тавьсан эмэгтэйчүүдэд бусад хүмүүс илүү сайхан хандана. Учир нь хэн хүнгүй л “нүдээ хужирлах” дуртайгаас гадна сайхан хүний өөдөөс харахад өөрийн эрхгүй үг үйлдлээ цэгнэж, аль болох аятайхан харьцахыг хичээдэг. Тиймээс илүү их хүндлэл хүлээхийг хүсвэл өдөр бүр сайхан харагдах хэрэгтэй.

4. Байгаа газраа, эргэн тойрны хүмүүсээ хүндэлсэн гэдэг нь харагдана-Гартаа тааралдсан юмаа л шургуулчихжээ гэмээр, үсээ хагас дутуу янзалсан эмэгтэйг үнэтэй зоогийн газар ороод ирвэл бид тэр газрыг хүндлээгүй байна гэж ойлгоно. Ялангуяа чухал уулзалт, арга хэмжээн дээр очих гэж байгаа бол та өөрийнхөө хүндэтгэлийг харуулахын тулд сайхан харагдах ёстой.

5. Хайр дурлалыг тань ноцооно-Эрчүүд нүдээрээ дурладаг гэдэг 100 хувь үнэн үг. Тиймээс тэдний сэтгэлийг үргэлж хөдөлгөж, асааж, бадруулж байхыг хүсвэл хамгийг сайхнаараа харагдахад л болох нь тэр. Мэдээж таны сүү шиг цагаан сэтгэлд тэр татагдсан. Гэхдээ хэзээ ч няцааж болшгүй нэг үнэн бол тэд нэг л өдөр, эсвэл яг тодорхой нэг хоромд бидний хичнээн үзэсгэлэнтэй сайхан болохыг анзаараад л дурлаж эхэлдэг юм.

Эцсийн бөгөөд хамгийн чухал шалтгаан бол та хамгийн сайхнаараа харагдсанаа өөрийгөө хүндэлж, хайрлаж байгаа хэрэг юм. Өөрийгөө хайрладаг эмэгтэйг бусад бүх хүн хайрлах нь ойлгомжтой шүү дээ.

Эх сурвалж: Охид бүсгүйчүүдийн онлайн найз Гоолингоо.мн
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(908)   Хаалтанд байгаа 3 оронтой тоог оруулна уу!

Сэтгэгдэл

Зочин: Zochin.   2017-11-13
Erchuud n ch gesen hamgiin saihnaaraa haragdah heregtei shde yagaad yum bol emegteichuud n tegeh yostoi ingeh yostoi gd bdiim be adilhan l tegsh bh heregtei shde

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com