ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Таны мөрөөдлийн гэрлэх санал?

Хайр & секс  | 2011 / 07 / 28

Ямар орчинд гэрлэх санал тавьбал та бүрэн төгс итгэлтэйгээр “Би зөвшөөрч байна” хэмээн хэлж чадах вэ? Хараахан гэрлэж амжаагүй яваа уншигчдаасаа мөрөөдлийнх нь гэрлэх саналын талаар асууж, хамгийн онцгой хариултуудыг сонгон авч нийтэллээ.

Таны мөрөөдлийн гэрлэх санал?

-Болзсон газраа очтол намайг нэг захиа угтаж авах болно. Түүнийг нь задалж унштал ямар нэг учир битүүлэг, таавар шиг зүйл бичсэн байх болно. Тэр тааврын хариуг олоод, түүнийх нь дагуу яваад очтол дахиад л тиймэрхүү оньсого намайг хүлээж байх жишээтэй. Энэ мэтээр явсаар эцсийн замд минь агаарын бөмбөлөг дотор тэр минь зогсож байх болно. Түүнтэй цуг тэнгэрт хөөрхөн үед "Надтай гэрлээч" гэж хэлвэл хамгийн адал явдалтай, мартагдашгүй байх болно. /19 настай Б/

-100 ширхэг улаан сарнайн дундах ганцхан ширхэг цагаан сарнайн дэлбээн дунд хуримын бэлзэг хийсэн байвал ямар гайхалтай сэтгэгдэл төрнө гээч... /25 настай Ө/

-Далайн эрэг дээр хамтдаа зугаалж явтал нэгэн найз залуу маань нэг хөөрхөн өнгөтэй хясаа өгнө. Нээгээд үз дээ? гэж хэлэхэд нь их л гайхсан байртай онгойлгож үзнэ. Гэтэл дотор нь сувдан шигтгээтэй мөнгөн бөгж. Надтай гэрлээч...? /22 настай А/

-Миний хувьд мөрөөдлийн бөгж маань хөгжимт хайрцаг дотор байвал маш хөөрхөн санагдана. Тэр хайрцгийг нь нээхээр дотроо “For you” гэсэн бичигтэй хөөрхөн тоглоом эргэлдээд, тэр тоглоомных нь гарт нь бөгж өлгөөстэй байвал ч.../19 настай З/

-Манай эсрэг талын байрны цонхны гэрлүүд зүрхэн хэлбэрээр гэсэн үгээр анивчиж байвал ёстой гоё. Хэцүү л дээ. Гэхдээ миний төлөө тийм зүйл хийж чадсан эрд би татгалзахгүй. /25 настай Д/

-Маш өндөр байшингийн дээвэр дээр хоёрхон хүнд тусгайлан зассан ширээ. Цагаан цэцэгс, лаа, улаан дарс. Жаахан дарс шимж суугаад, дараа нь зайрмаг идэж байтал дотроос нь бөгж гарч ирнэ. Гайхшаа баран суугаа миний өмнө тэр сөхөрч суугаад “Ариунаа надтай гэрлээч” гэж гуйхад нь хажууд Энрикигийн дуу явж байвал үнэн тасархай. Тэгвэл би шууд за гэж хэлнэ. /19 настай А/

-12 сард төрсөн болоод ч тэр юм уу, би өвлийн улиралд их дуртай. Гэрлэх саналаа би цасанд дарагдсан мододтой ойн гүнд сонсохыг хүсдэг. Тэнд надад зориулж багахан хэмжээний мөсөн хотхон барьчихсан байх болно. Тэгээд тэр мөсөн хотхоноо сүлд мод чимдэг гэрлээр чимэглэчихсэн байвал гэрэл цацарч, мөс нь гялалзаад л үнэхээр гоё харагдах болно. Тийм л мөчид гэрлэх санал сонсохыг маш их хүсдэг дээ, багаасаа л тэгж төсөөлж ирсэн. /26 настай Д/

-Яг яаж гэдгийг нь мэдэхгүй юм. Их л олон хүмүүсийн дунд сэтгэлийнхээ үгийг чангаар хэлж байгаад гэрлэх санал тавиасай гэж хүсдэг. Тийм зориг гаргахыг нь хармаар санагддаг юм. Магадгүй хэн нэг дуучны концертон дээр тайз руу гарч байгаад микрофоныг нь барьж “Би тэнд сууж байгаа бүсгүйд маш их хайртай” гэж хэлээд гэрлэх санал тавьбал үнэхээр гайхалтай сэтгэгдэл төрөх байх. /21 настай А/

-Кино театрын дэлгэцэн дээр кино эхлэхээс өмнө сурталчилгаа гардаг ш дээ. Одоогийн найз залуутайгаа танхимд нь кино үзэх гээд сууж байтал, гэнэт том дэлгэцэн дээр сурталчилгааных нь оронд “Надтай гэрлээч ...” гээд миний нэрийг биччихсэн зураг гараасай гэж би мөрөөддөг юм. /22 настай Н/

Та бидэнтэй өөрийн мөрөөдлийн гэрлэх саналаа хуваалцаач?

Өдөр бүр баярлах зүйл тохиолддогLike дарж баярлалаа хуудаст нэгдээрэй.

  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(575)   Хаалтанд байгаа 3 оронтой тоог оруулна уу!

Сүүлийн сэтгэгдэл

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com