ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Бид яагаад “ну-а”-тай болдог вэ?

Хайр & секс  | 2012 / 02 / 27

Эрчүүд ихэвчлэн дутагдаад байгаа “либидо”-гоо нөхөх гэж нууц амрагтай болдог бол эмэгтэйчүүд бид сэтгэлзүйн өвдөлтөө анагаахын тулд өөр эрээр “өвөртөө салхи оруулах”-ыг зөвшөөрөх нь элбэг. Нууцхан сэтгэл өвөртөлдөг 6 үндсэн шалтгааныг тодрууллаа.

Бид яагаад “ну-а”-тай болдог вэ?

1. Та нөхөртэйгөө тогтмол секс хийхээ болиод удаж байна
Гэрлэлтийн эхний жилд өдөрт нэг, дараагийн жилд долоо хоногт нэг, тэрний дараагийнхд ядраагүй үедээ л “нэг”. Буурсаар, дахин буурсаар сүүлдээ хэзээ хамгийн сүүлд нөхөртэйгөө ойртсоноо мартах үед таны биологийн хэрэгцээг хангах өөр нэгний эрэлд гарсан нь тэр. Таныг буруутгах ч, зөвтгөх ч аргагүй юм. Нөхөр чинь ажил ихтэй л болсон болохоос биш, өөрийг нь нээгээд үзвэл хуучнаараа л байгаа байх. Та ч бас түүнийг нэг их өдөхөө л больсон болохоос биш хуучны гал халуун “жараахай” хэвээрээ л байгаа шүү дээ. Түүний хувьд нйор нь сексээс илүү чухал болсон бол идэвхтэй хөдөлгөөн харин ч эрч хүчийг нь хэрхэн сэлбэдэг гэдгийг дахин нэг сануулах гээд үз. Дандаа унтлагын өрөөнд хийдэг бол нэг удаа зориуд буудалд хоноод үзээрэй. Мартагдаад байсан мэдрэмжийг авна.

2. Та салалтаас зугтдаг
Та хайртаасаа салахыг хүсдэггүй. Салах л юм бол аз жаргалгүй болно гэдгээ мэддэг. Та түүнийг өөртөө хайртай гэдгийг мэднэ. Гэхдээ л тэр ямар нэг шалтгаанаар таны унтлагын өрөөний шаардлагыг биелүүлж чаддаггүй тул чи “өөр арга байхгүй” гэж өөртөө хэлээд ну-аг сонгожээ. Хамгийн аймхай хүн л бусдын нүдэнд өртөлгүйгээр хүслээ биелүүлэх арга замыг хайдаг. Хэрэв таны хувьд секс нэн тэргүүний чухал зүйлсийн нэг мөн бол түүнд байгаа асуудлыг аажмаар засах гэж оролд. Хэрэв хайрт чинь дэндүү уйтгартай бол өөрөө хөгжилтэй байх гэж оролд. Тэр үлгэр дууриал авах болно. Хэрэв түүний ямар нэг муу зуршил /архи, тамхи гэх мэт/, өвчин, амьдралын хэв маяг та хоёрын сексийн амьдралд саад учруулж байгаа бол түүнээс нь гаргах арга замыг хамтдаа эрэлхийл. Эцэст нь түүнийг нууцхан учирдаг залуустайгаа бүү харьцуул. Салалтаас зугтааж байна гэдэг бол та салахыг хүсдэггүй л гэсэн үг. Энэ хэвээрээ удаан явбал баригдах нь баараггүй.

3. Та “муу охин” гэдгээ батлахыг хүсдэг
Хэзээ л бол хэзээ түүнээс салчихаж чадна гэдгээ та “галаар наадаж” байж батлах оролдлого хийдэг. Ингэх нь мэдээж таны өөртөө итгэх итгэлийг өнгөлж, бардам занг өсгөнө. Гэхдээ ингэх нь таныг жинхэнэ аз жаргалд хүргэх үү? Ихэвчлэн нөхөр, найз залуугийнхаа сэтгэлийн баялагт биш, өөр ямар нэг баялагт татагдсан, тэднийг өөртөө үхэн хатан дурлуулсан гэдэгтээ итгэлтэй байдаг бүсгүйчүүд өөрийнхөө “муурын хумс”-ыг ингэж харуулахаас айдаггүй. Тэд өөртөө ямар нэг хориг тавьдаггүй. Эр хүнээр тоглох нь танд зугаа авчирч болох ч лав л аз жаргалыг авчрахгүй юм. Тиймээс одоогийнхоо хамтрагчтай байх харилцаагаа аварч үлдэхийн тулд хичээл зүтгэл гаргах уу, салаад өөрийнхөө хайрлаж чадах хүнийг олох уу гэдэг нь таны сонголт юм.

4. Та бусдын нөлөөлөлд амархан автдаг
“Нэг л амьдрах насандаа юм юм үзсэн нь дээр” Ийм үгийг найз бүсгүй чинь булууддаг. Учир нь таны найз бүсгүй ч бас хайрыг “хуурдаг”. Найз чинь “аргагүй амраг”-тай болохоор чи ч бас туршиж үзмээр санагдана. Хүн бүрийн амьдралын нөхцөл өөр. Таны найз бүсгүйн гэр бүл, харилцаанд үнэндээ ямар ч асуудал тулгарсснаас болж нууц амрагийг сонгосон байж болно. Харин таны амьдралд өөр хүнтэй болох шалтгаан байхгүй, хэвийн байхад ийм үйлдэл хийх хэрэггүй юм.

5. Тэр ч бас таныг өмнө нь хуурч байсан
Хатагтай өшөө авагч минь, таны хууртагдсан сэтгэлээ анагаах арга, жаахан ч болов түүнийг чадах гэсэн оролдлогыг чинь ойлгож байна. Гэхдээ энэ үнэхээр таны хүсч байгаа зүйл мөн гэж үү? Хардалт, хууран мэхлэлтийн талаарх эцэс төгсгөлгүй мэт хэрүүл дээр ингэж тос асгах нь та хоёрыг улам л хөндийрүүлэхээс биш байдлыг дээрдүүлэхгүй. Магадгүй та түүнээс чин сэтгэлийн уучлаарай гэдэг үг, хичээл зүтгэл л хүсээд байгаа байх. Тэгвэл түүнийгээ ойлгуул. Хэрэв тэр гэмээ ухамсарлаж л байгаа бол хүсэлтийг чинь хүлээн авна. Барьцаж хуурахын оронд өөр зүйлээр шийтгэж болно шүү дээ. Жишээ нь нэг сарын турш хоол хийх, өөрийнхөө хувцаснуудыг угаах гэх мэт. Мөн энэ боломжийг ашиглаад түүнтэйгээ сард нэг удаа заавал болзоонд гармаар байгаа тухайгаа хэл. Хэрэв өөрийг нь ч бас араар нь тавихаас нааш таны санаа амрахгүй байгаа бол та өмнө нь ч бас нэг бус удаа өөр залуусыг шохоорхож хардаг байснаа л өөртөө баталж байгаагаас өөрцгүй хэрэг.

6. Танд хайр халамж дутагддаг
Тэр таныг “хайраа” гэхээсээ илүү сонсохыг хэзээ ч хүсдэггүй өөдгүй үгээр дууддаг. Ханилж суусан эхнэрээ гэхээс илүү өөрийг нь зовоохын тулд ирсэн элчтэй харьцаж байгаа мэтээр л хандаж төвөгшөөдөг. Гэсэн ч та ямар нэг шалтгаанаас болоод салж чаддаггүй ба, өөртөө дутагдаад байгаа үнсэлт, тэврэлт, халуун дулаан үгсийг өөр залуугаас эрэлхийлэх болсон. Өөрөө өөрийгөө хууран тэссээр байх нь зөв сонголт мөн эсэхийг сайн бодоорой. Яахын аргагүй та хоёрын гэр бүл ийнхүү дотроосоо муудаж ялзарсан бол, дахиж урьдных шигээ болно гэсэн итгэл найдвар өчүүхэн төдий ч үлдээгүй бол, зүгээр л нөхрөөсөө салсан гэдэг нэр зүүхгүйн тулд чадан ядан түүнд зүүгдэж байгаа бол салах сонголтыг хийх нь дээр ч байж мэдэх юм. Таны сэтгэлд, эсвэл түүний биенд гарсан эвдрэлийг засч болно. Харин өрөөлийн сэтгэлд гарсан мөнхийн эвдрэлийг засах хэцүү юм. Хорвоо дээр сайн хүмүүс олон байдаг болохоор гав ганцаараа болно гэж айх хэрэггүй. Гол нь шархалсаар, дахин дахин шархалсаар байвал та нэг л өдөр өөрийгөө танихаа болино. Үүнээс л айж байна.

Нууц амрагийг мартаад, харилцаагаа аврах уу, тэр чигт нь орхих уу гэдэг сонголтын аль нэгийг л та сонгоорой. Энэ хэвээрээ “ну-а”-гаа ч, бас хайртыгаа ч хамтад нь авч үлдэх нь яваа яваандаа муу зүйлд хүргэнэ. Нууц амраг бол хосуудын харилцааны ямарваа нэгэн тал дээр гарсан доголдлыг илтгэгч юм. Гол нь тэр доголдол таныг жаргалтай байхад үнэхээр саад болж байна уу, эсвэл хайрын хүчээр тэвчээд өнгөрөөчихөж болмоор зүйл үү гэдгээс таны сонголт шалтгаална.

Та жолооч бол Like дарж Petrovis-ийн хуудаст нэгдээрэй. Бид 7-р сарын 1 хүртэл Like дарсан хэрэглэгчдээс нэгийг сонгож 50 000 төгрөгийн шатахууны эрхээр шагнана.

Эх сурвалж: Охид бүсгүйчүүдийн онлайн найз Гоолингоо.мн
  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(388)   Хаалтанд байгаа 3 оронтой тоог оруулна уу!

Сүүлийн сэтгэгдэл

  • Ярилцах сэдэв: Хэрвээ хэрэглээнийх нь бүх мөнгийг өгье гэвэл хүүхэд үрчилж авах уу?
    Sorry. Udam sudar chuhal shuu. Jishee ni: etseg eh ni yum humsaldag bol barag l udamshndaa. Esvel tuunii huuhdees turdug yum geseen! Geniin aguulamj gej aihtar zuil bii dee.
  • Оюутнуудад ээлтэй 10 хот
    snuu azzaya ooptei chin holbogdoj boloh uu?
  • Би ээжийн охин
    saikhan niitlel bna. nmg jiremsen baihad eej min ingej ih halamjlaagui ch gesen dotroo medeej sanaa zovj l bsan bn. facebook-r eejiinhee achiig hariuliya gej bodoj bval durgui zuiliig ni buu gesen bsan. ene ni medeej setgel sanaag ni baga zovoogooroi l gesen utgatai bh. hun ehiinhe achiig hariulj yaj chadah bile dee. eejdee hairtai
  • Би ээжийн охин
    unshaad uilah shahlaa . oilgoloo bugdiig .bi ch gsn eejteigee yum l bol hereldcheed zuvhun namaig l zagnaad ahiig bolohoor yu ch helsen toohgu ibaigaam shig sanagdad baidag baisan yum gehdee namagi ovdohod hen henees iluu hairlan yu hiihee medehgui dulegnedegsen ingeed bodohoor bi l ooroo turgen hel amtai boldoggui baihdaa
  • Оюутнуудад ээлтэй 10 хот
    Bi parisd amdirdag 9 jil bolj bn. Odoo angaahiin 3r kurs parisd surdag. Parisiig ylgavar uzeltei gesen baina harin ch estoi yalgavar uzel baihgui erd deer uesee tsagaach ihtei delhiin ontsog bulan burees irsen humuus bdg ih multicultural oron bolgoor ni humuus ni ch ih openminded tiim bolhoor bie bieniiga ylgavralna gej bhgui aziuud africuud amercchuud bugd l niileed saihan amidraad bolool bn france harin ch gadnii oyutnuudad 100 huvi neelttei bdg yvlagar uzel harin ch bhgui oron uneheer surj l chadval tetgeleg ogdog bi tetgelgeer 3jil surlaa ulsaas sard oyutnii mongo gj 400euros ogdog bas tureesiin bairnii tal toolboriig toldog. Franceiig muulaad bga humuus end ydj heden myngan mongol humuus ulsaas unegui bairand amdirj unegui surch tsagaach bolood mongold hiidgui scolisis metiin hagalgaag unegui hiilgej bn. Dain dajintai syrie geh met ornii humuusiig busad ornuud terroristuud gej gadvarlaj tsagaachaar avahgui bhd France l ted nariig tsagaachaaraa avch unegui hool ogch unegui bairand bailgaj bn tiimee ta nariin yariaad bga haltaruud chin haltaruud ihtei muuhai gej helj bga chi l harin ylgavar uzeltei yum bishuu. Syriid bolj bga irgenii dainaas irgediin tsagaachaar avj bga geed terroristuud franced barag 5 udaa haldlaga hiij heden zuun hun uhcheed bhd ted tsagaach avhaa bolioguil bn. Tegeed erni surhad bol goy gazar shude zaluuchuudad bol haa gazar jijken duuregt dor hayj neg nomiin santai usan passentei kino teatrtai guih dasgal hiih tsetserlegtei hog ihtei geluu guushde 5 alhaal duuren hogiin sav ghde medeej haa gazar bohir gazaruud bj l bdg.
  • Би ээжийн охин
    Unshaad uuriin erhgui uilchihlaa минты ээж ч гэсэн яг ийм миний естой бүх юманд оролцоно эхэндээ нээрээ их залхдаг байлаа одоо 20хүрээд амьдралын зах зухаас мэдээд ирэхээр ээжийн минь хайр үнэхээр агуу шүү
  • Ажлаа солих цаг болсны 9 шинж
    Ywah bolj bgaagaa medreed l bna, hogjij dewshih bolomjiig min aris ongonii uzeltei heden hun l haagaad bh shg. Gehdee ene ajilaasaa ih zuil surj awsan bolohoor hezee sorog setgegdeltei uldehgui
  • Гоолингоо зөвлөж байна: Энэ долоо хоногт юу хийх вэ?
    8-р сарын 31 дэхь өдөрлөг зохион байгуулах fb холбоос нь олдохгүй байна
  • Та хэнтэй нь дотносохыг хүсэж байна вэ?
    34-41 nasnii emch zaluutai taniltsaya ger bulgui bh
  • 8 сарын зурхай
    .....

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com