ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

8 нийтлэг зүүдний дэлгэрэнгүй тайлал

Чөлөөт цаг  | 2012 / 06 / 27

Зүүдэлсэн зүүднийхээ талаар ганц удаа ч болов гайхаагүй, далд учир утгыг нь, юу зөгнөж байгааг нь мэдэхийг хүсдэггүй хүн байхгүй байх. Бидэнд нийтлэг зүүдлэгддэг 8 төрлийн зүүдний тайллыг Гоолингоо.мн толилуулж байна.

8 нийтлэг зүүдний дэлгэрэнгүй тайлал

Шүд
Шүд өвдөх юмуу унаж байгаа зүүд ихээхэн зүүдлэгддэг. Энэ нь бодит амьдрал дээр хүндрэл бэрхшээл учрах болзошгүйг зөгнөдөг. Түүнээс гадна бусдын нүдэнд тааламжгүй, муухай харагдахаас айсан байж болох талтай.

Угаас шүд бол гэр бүл, ойр дотныхны харилцааг бэлэгддэг байна. Хэрвээ танд одоо хувийн амьдрал чинь, хайртай хүний чинь харьцаа чухал байгаа бол шүд унахыг зүүдлэх нь та хоёрын дунд үл ойлголцол үүсэхийн тэмдэг.

Та карьер хөөх дуртай хүн бол шүд гэмтсэн, муудсан гэж зүүдлэх нь ажил дээр чинь асуудал гарахын шинж.

Хэрвээ хэд хэдэн шүд зэрэг уналаа гэж зүүдэлвэл нилээд олон хүндрэл бэрхшээл учирна гэсэн үг. Бас гэр бүлийнхний хэн нэгэн өвдөхийг, дампуурал, өлсгөлөнг, унахдаа цус гарч харагдсан бол тэдний хэн нэгний үхлийг зөгнөдөг. Унах гэж ганхаж байгаа шүд зүүдлэх ч мөн л хэн нэгний үхлийг зөгнөдөг. Харин шүдээ эмчлүүлж байна гэвэл тохиолдсон хүндрэл бэрхшээлийг даван туулж чадна гэсэн үг. Эмчээр шүдээ авахуулж байна гэж зүүдэлвэл өвчин тусахын шинж. Харин өөрийнхөө эрүүл, цагаан, гоё шүдийг бахдаж байна гэвэл таныг баяр хөөр, сайхан мэдээ хүлээж байна.

Мөнгө
Мөнгө зүүдлэх нь амьдрал дээр таны хувьд юу илүү ач холбогдолтой байгааг бэлэгддэг. Хэрвээ гэнэт мөнгө авч байна гэж зүүдэлвэл амьдрал дээр танд бүх юм ойлгомжтой, бүх юманд сэтгэл хангалуун байна гэсэн үг.

Их хэмжээний мөнгө олтол хэн нэгэн танд энэ миний мөнгө гэж хэлж байвал амьдрал дээр хэн нэгэн таны ажил хэрэгт саад учруулна гэсэн үг.

Мөнгөө гээх нь золгүй тохиолдол, таагүй үйл явдлыг зөгнөдөг. Мөнгө өгч байна гэвэл бас л онц биш, гэхдээ үр дагавар нь арай гайгүй.

Зүүдэндээ зоосон болон цаасан мөнгө харж байна гэвэл таны материаллаг байдал зөвхөн өөрөөс чинь шалтгаална гэсэн үг.

Хэрвээ та мөнгөө гээж байвал өөрөө өөрийгөө хянаж чадахгүй байна гэсэн үг. Ихэнхдээ мөнгөөр гачигддаг юмуу мөнгөтэй харьцаж чаддаггүй хүнд мөнгө их зүүдлэгддэг.

Мөнгө тоолох юмуу мөнгөө гамнаж байна гэж зүүдэлвэл ихээхэн ашиг олохыг бэлэгддэг. Харин мөнгө тоолж байтал дутчихвал төлөвлөгдөөгүй зарлага гарахын шинж.

Мөнгөтэй холбоотой гэрээ хэлэлцээр хийж байвал шинэ хүнтэй болох, гэр бүл ойр дотныхонд шинэ хүн мэндлэхийг зөгнөдөг.

Үхэл
Үхлийн тухай зүүд нь амьдрал дээр ямар нэг таагүй явдал, өвчин зовлон тохиолдохыг зөгнөдөг. Өөрийгөө үхэж байна гэж зүүдэлвэл гэнэтийн таагүй явдал тохиох юмуу хэн нэгэнд хууртана. Ойр дотныхоо хэн нэгнийг үхэж байна гэж зүүдэлвэл нилээд олон таагүй зүйлс ар араасаа цуврахын шинж.

Харин дайснаа үхэж байна гэж зүүдлэх нь сайн, таны ажил хэрэг бүтэмжтэй болохын шинж гэнэ.Үхэж байгаа хүний хоолойг зүүдэндээ сонсох нь муу мэдээ сонсохын шинж. Үхлийн тухай зүүдлэх нь сэтгэлийн шаналалд өртөх айдсыг зөгнөдөг. Хэрвээ таньдаг хүнээ үхэж байна гэж зүүдэлвэл амьдрал дээр энэ хүнтэй холбоо тасрах юмуу түүнийг сонирхохоо болино гэсэн үг.

Гэхдээ зарим тохиолдолд үхлийн тухай зүүд нь урт наслах, шинэ амьдрал эхлэхийг зөгнөх нь бий.

Өвчин зүүдлэх нь эрүүл мэндэд ямар нэг асуудал үүссэний шинж гэдэг. Хэрвээ өөрийгөө өвдөж байна гэж зүүдэлвэл маш анхаарал болгоомсжтой байхыг шаардаж байна гэсэн үг. Хэрвээ хэн нэгнийг өвдөж гэж зүүдэлвэл гэр бүлд тань таагүй явдал тохионо. Түүнээс гадна өөрийн ч бай хүний ч бай өвчин зүүдлэх нь хэрүүл маргаан зөгнөдөг.

Байшин
Зүүдэндээ байшин барьж байвал сайны тэмдэг бөгөөд ихэнхдээ санхүүгийн байдал сайжрах юмуу албан тушаал ахихыг зөгнөдөг.

Хэрвээ нурсан байшин зүүдэлвэл хүндрэл бэрхшээл учирна. Ажлаасаа халагдах юмуу гэрлэлтээ цуцлуулах, өвчин тусах магадлалтай. Шатсан байшин салалтыг зөгнөдөг. Зүүдэндээ хуучин байшиндаа эргэж очиж байвал танд сайн мэдээ дуулдана. Хэрвээ тэр байшин чинь сайхан, баян тансаг зүүдлэгдвэл таныг амжилт хүлээж байна. Харин байшин чинь муудсан, тохь муутай зүүдлэгдвэл танай гэр бүлд таагүй явдал, гай зовлон тохиож болзошгүй. Орон гэрээсээ явж байна гэж зүүдэлвэл ойр дотныхноосоо салахын шинж. Гэртээ эргэж ирж байна гэвэл гэр бүлийнхээ хэн нэгэнтэй эвлэрэхийн шинж.

Зүүдэндээ гэрээ хайгаад олж чадахгүй байвал бодит амьдрал дээр хүнд байдалд орж, түүнээс гарахад хэцүү байх болно. Ойр дотныхоо итгэдэг хүнээсээ тусламж ав.

Хаях, гээх
Ямар нэг юм хаяж гээж байна гэж зүүдлэх нь амьдрал дээр ямар нэг нөхцөл байдалд яаж хандахаа мэдэхгүй, зөв шийдвэр гаргаж чадахгүй гэсэн үг. Эргэлзээ, өөртөө итгэх итгэлгүй байдлыг бэлэгдэнэ.

Хэрвээ гээсэн юмаа олж байна гэж зүүдэлвэл амьдрал дээр үүссэн нөхцөл байдлыг өөртөө ашигтайгаар шийдэж чадна гэсэн үг. Олж чадахгүй байвал таагүй зүйл тохиохын шинж. Ямар нэг хувцсаа гээж байна гэж зүүдлэх нь хайртай хүнээсээ салахын шинж. Тэр таныг ямар нэг зүйлд шударга бусаар буруутгана.

Хэрвээ эмэгтэй хүн алтан эдлэлээ юмуу ямар нэг үнэ цэнэтэй эдлэлээ гээж байна гэж зүүдэлвэл золгүй тохиолдол тохиох, ичгүүртэй байдалд орж болзошгүй. Хэрвээ зүүдэндээ юмаа гээснээ тэр дороо биш хэсэг хугацааны дараа мэдвэл урд өмнө нь болоод өнгөрсөн үйл явдлын үр дагавартай тулгарна гэсэн үг.

Хэрвээ та чухал юмаа гээж зүүдэлвэл нилээдгүй гарз учрах юмуу хэрүүл маргаан үүснэ. Нэг их чухал биш юм гээсэн бол бага зэргийн өөрөө хялбархан шийдэж болохоор асуудал үүснэ.

Секс
Сексийн тухай зүүдлэх нь дотны хүнтэйгээ харилцах харилцааг бэлэгдэнэ. Хэрвээ та секс хийгээд түүнээсээ таашаал авч байна гэж зүүдэлвэл хайртай хүнтэйгээ бүх зүйл сайн сайхан байна, ямар нэг асуудал байгаа бол ойрын хугацаанд шийдэгдэнэ гэсэн үг. Харин сексээс таашаал авч чадахгүй байна гэж зүүдэлвэл дотныхоо хүмүүстэй хэрэлдэх юмуу санал зөрөлдөнө. Түүнээс гадна тун удалгүй түүнээсээ салж болзошгүй.

Хэрвээ секс хийж байгаад баригдаж байна гэж зүүдэлвэл хэн нэгэн таны хувийн амьдралыг маш их сонирхож байна, удахгүй таны хайрт та хоёрын дундуур орж асуудал үүсгэж болзошгүй гэсэн дохио.

Ер бусын өвөрмөц газар сексдэж зүүдлэх нь өөрөө өөртөө асуудал үүсгэж, амьдралаа хүндрүүлэхийн шинж. Хэрвээ хүмүүсийн сексдэхийг харж байна гэж зүүдэлвэл таагүй зүйл тохионо.

Хөөгдөх
Хэн нэгэнд хөөгдөж зүүдлэх нь үнэхээр аймшигтай. Хүмүүс ихэнхдээ мангас, чөтгөр, араатан амьтан юмуу дайсандаа хөөгдөж байна гэж зүүдэлдэг. Иймэрхүү зүүд нь стрессийн үр дагавар. Хэрвээ таныг таньдаг хүн чинь хөөж байна гэж зүүдэлвэл хэрэг дээрээ тэр хүн таны санааг зовоох, түгшээх асуудал үүсгэнэ. Хэрвээ танихгүй хүн хөөж байвал дэмий зангаасаа болж асуудалд орооцолдохыг бэлэгдэнэ.

Хэрвээ хөөж байгаа хүнээс чинь зугтаах юмуу нуугдахад хэн нэгэн тусалж байвал амьдрал дээр та ямар нэг тусламж авна гэсэн үг. Хэрвээ хөөж буй хүн чинь гүйцээд биед чинь ямар нэг гэмтэл учрууллаа гэж зүүдэлвэл нилээдгүй гарз тохиож болзошгүй. Та ихээхэн анхаарал болгоомжтой байх хэрэгтэй.

Хэрвээ та хэн нэгнийг хөөж зүүдэлвэл та амьдрал дээр өөртөө ихээхэн хариуцлага үүрнэ, гэхдээ хөөгөөд гүйцэхгүй бол тэр үүрэг хариуцлагаа биелүүлж чадахгүй гэсэн үг.

Унах
Ямар нэг юмнаас унаж зүүдлэх нь өөрийгөө хянаж чадахгүй, тайван байдлаа алдахаас айсны үр дагавар. Унаж байна гэж зүүдэлдэг хүн амьдрал дээр ойр дотныхныхоо дэмжлэгээр дутаж явдаг. Ийм зүүд нь таныг үүссэн нөхцөл байдлыг нухацтай авч үзэж шийдэх шинэ арга зам хайхыг сануулж байна.

Хэрвээ зүүдэндээ унахдаа айж байвал, тэгээд энэ үедээ сэрэх юм бол сайн. Амьдрал дээр бүх хүндрэл бэрхшээлийг хялбархан давж, дайснаа ялж чадна гэсэн үг. Хэрвээ унахдаа шархдаж зүүдэлвэл шинэ хүндрэл бэрхшээл үүснэ, гэхдээ түүнийг даван туулж чадна гэсэн үг. Хэрвээ зүүдэнд чинь хэн нэгэн таныг унахаас аварч байвал ойр дотныхон, бүр танихгүй хүнээс хүртэл тусламж ирнэ гэсэн үг. Харин унахдаа ноцтой гэмтэл авбал найз нөхөд таниас урвахын шинж. Таны итгэдэг хүн өөрөөс чинь урваж болзошгүй тул анхаарал болгоомжтой бай. Хэрвээ хэн нэгний унахыг зүүдэндээ харвал бусдын алдаанаас суралцаж чадна гэсэн үг.

Өдөр бүр баярлах зүйл тохиолддогLike дарж баярлалаа хуудаст нэгдээрэй.

Эх сурвалж: Охид бүсгүйчүүдийн онлайн найз Гоолингоо.мн
  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(137)   Хаалтанд байгаа 3 оронтой тоог оруулна уу!

Сүүлийн сэтгэгдэл

  • Бүх л атаархмаар сайхан хосууд энэ 5 шатыг туулж гарсан
    Хос 2 хоёулаа өөр өөр шатанд байх тохиолдол байдаг болов уу. Миний хайртай залуу намайг ерөөсөө байгаагаар минь хүлээж авахгүй юм аа. Байнга шүүмжилнэ, тэглээ ингэлээ гэнэ. Энэнээс нь болоод өөрийгөө үзэх үзэл минь ч бас өөрчлөгдөөд байх шиг. Би ч аажмаар ухраад түүнийг байгаагаар нь хүлээж авах шатнаас тэгвэл чи ч гэсэн гэдэг шат руу унасан. Сая хэд хоног ээж, аавтайгаа хөдөө амраад л ямар тэнэг замаар яваад байгаагаа ойлгосон доо. Би үнэхээр тэгж шүүмжилж байвал таарах хүн юм уу, эсвэл тэр намайг хайрлаж чадахгүй байна уу гэдэг асуултандаа хариултаа олсон. Уржигдар салах шийдвэрээ гаргаад гэрээсээ хувцсыг нь өгөөд явууллаа. Өөрөө ухаангүй хайртай ч гэсэн өөрийг минь хайрладаггүй хүнтэй яаж насыг барахав дээ.
  • 1 бүдэг зураас...
    Сайн байнуу? миний сарын тэмдэг 7.27нд ирэх ёстой байсан юм лдаа, найз залуутайгаа 7.26нд харьцаанд орсон чинь өнөөдрийг/7.29/ хүртэл сарын тэмдэг ирдэггүй. Би жирэмсэн болсон юм болов уу, одоо тестээр үзвэл мэдэгдэх болов уу?
  • 1 бүдэг зураас...
    Сайн байнуу? миний сарын тэмдэг 7.27нд ирэх ёстой байсан юм лдаа, найз залуутайгаа 7.26нд харьцаанд орсон чинь өнөөдрийг/7.29/ хүртэл сарын тэмдэг ирдэггүй. Би жирэмсэн болсон юм болов уу, одоо тестээр үзвэл мэдэгдэх болов уу?
  • Хийсэн бүхэн чинь чиний мөрөөдөлдөө хүрэх шатны аль нэг гишгүүр байх болно
    mundag emegtei bna shvv. amjilt hvsie.
  • Араас чинь гүйгээд байгаа залууг өөд нь татах 12 шалтгаан
    yag odoo ene buhniig mederch bna, anh yamar ydargaat saldaggui tsarai muutai zaluu ve gj boddg bsan bodol maani uurchlugdd harah tusam l hair hurdeg shan zaluu bolson doo. gantshan tsarai muutai gdg shalguuraar neg mundag zaluugiin ter gaihaltai ertuntsiig uguisgej bsan daa uuriiguu ch gaihsan. Unguts dugnelt hiiheesee umnu huvi hun ni chuham yamar hun be gdg l tanij medeh heregtei sanagdsan. Odoo bol uneheer jargaltai bn, budaggui bosood heneggui alhah daa ch uuriiguu huurhunuur mederdeg, halamj anhaarald ni erhleh deee uuriiguu huuhed met setgedeg, hiisen joohon zuild mini bayarlaj magtahad super huchten met bodogddog, hutulj tevrehed ni, hamt daa hevtehdee amar taivniig mederdeg. bi zugr l ene bgaa mini tuunii huvid tugs bdagt bayarladag. Er hun hichneen tushig tulguurtaig odoo l utgaar ni mederch bn daa. Hamt daaa buteeh shan ireedui dee itgeed aidas teehgui amidrana. Erchuud bugd adilhan gj bi tuuniigee busadtai zuirlehgui. Araar mini tavih vii gj aidas teej shanalahgui. Heterhii undur naidvar teej uuriin tuluvlusn ireeduin tuluvluguuguu uurchluhgui. yag l umnu ni bsan uuriin zangaaraa hiih zuilee hj udur buriig tuuntge jargaltai unguruuj, aidas teej bish itgel uvurluj amidrana daa. gants oldoh amidral daa uurt taalagdsan hunee songono gd araasaa guij bga zaluusiig aniad ungurch bgaa busguichuud deee minii zugees helehd uulzaad uchraad uzeerei, busdiin bolon uuriin unguts dugneltend buu avtaarai. Odoo bi setgel hangaluun bna. Chi chini sohorchihsn yumuu gj helsn nziin mini ug yamar goyiin be, aztai maaa chi gdg ugeer soligdoh ter agshin.... hen ch chinii jargalg medrehguigs hoish uurtuu unench, shiidvertee ergelzelgui baih heregtai. emegtei hun bolgon shan hairtaigaa uchirnaaaa, amidral uneheer baylag.
  • Шилэн бөмбөлөгтэй, хар нүүрстэй, цэнхэр одтой, цэцгийн дэлбээтэй далайн эргүүд
    би нэг л өдөр энэ бүх далайн эргүүдэд очино оо
  • Үргэлж муу залуутай учирчихаад байдгийн чинь шинжлэх ухаанч 6 шалтгаан
    naizuud boloh busgui bwal add me talkfree583@yahoo.com
  • Хийсэн бүхэн чинь чиний мөрөөдөлдөө хүрэх шатны аль нэг гишгүүр байх болно
    uurin turshlagaa haramgui huvaaltscand bayrlalaa. bas goolingoodoo bayrlalaa.
  • Өглөөний цайны оронд уух 10 смүүтиний жор
    Уучлаарай ургамлынхаа нэрийг хаалтанд англи эсвэл латинаар бичиж огооч
  • Ярилцах сэдэв: Та хамгийн сүүлд ямар ном уншсан бэ? Өөрт төрсөн сэтгэгдлээсээ хуваалцаач!
    Yamar nom unshih ve?

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com