ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Сайн найзыгаа хэрхэн баярлуулах вэ?

Чи гэнэт л сайн найздаа ямар нэг бэлэг өгч баярлуулмаар санагдаж л дээ. Гэтэл түрийвчинд 5 ширхэг аравтын дэвсгэрт л байж гэж санъя. Тэгвэл чи 50 мянган төгрөгөнд багтааж дотны найзынхаа сэтгэлийг хэрхэн хөдөлгөх байсан бэ? Гоолингоо "50 мянган найзын баяр"-таа зориулж бүсгүйчүүдийн дунд энэ асуулгыг явуулсан юм. Шилдэг хариултуудыг толилуулж байна.

Сайн найзыгаа хэрхэн баярлуулах вэ?

-Миний хамгийн дотны найз бол миний өрсөлдөгч. Гэхдээ бид хоёр өрсөлдөөнийг өөрсөддөө эерэгээр ашигладаг. Бие биенийгээ хурцалж, алдааг нь шүүмжилж, ахиц гаргахад нь магтаж, бяцхан бэлэг өгч баярлуулдаг. Их сургуулиасаа найзалсан тэр найз маань намайг бүрэн өөрчилж чадсан. Урьд нь би их залхуу, зорилгогүй байсан. Харин найз маань надад зорилго, тэмүүлэлтэй байхын сайхныг мэдрүүлсэн. Хэрвээ би найзыгаа баярлуулахаар болвол хамтдаа урансайхны зураг авахуулаад, гоё жаазлаад бэлэглэнэ. Хөгширсөн хойноо хараад хоёр эмээ нь ийм л гал цогтой байлаа шүү дээ гэж үр ач нартаа харуулнаа. /25 настай С/

-Арван жилээсээ найзалсан ганц сайн найз минь бий. Сургууль өөр болж, гэр холдсон ч гэсэн хэзээд зангаа хувиргадаггүй. Яг л урьдынх шигээ байдаг. Бид хоёр найзлаад таван жил болж байгаа болохоор хөөрхөн пудволк аваад, дээр нь таван жилийн нөхөрлөлдөө зориулж шигтгээ наана. Тэгээд найздаа чин сэтгэлийн үгтэй захиа бичиж, баярлаж талархаж явдагаа илэрхийлнэ. Цаашдаа ч сайн найз байж чадахаа амлана. /20 настай М/

-Хайртай найзтайгаа гурван жилийн өмнө танилцаж байлаа. Түүнтэй л хамт байхаараа бүх юмаа ярьдаг. Хамт л байвал аз жаргалтай болчихдог. Бид хоёр бие биетэйгээ их адилхан. Царай хүртэл төстэй. Найз маань шүлэг их сайхан бичдэг. Шүлгээ бичдэг нэг тэмдэглэлийн хар дэвтэртэй. Намайг үхсэн хойно миний шүлгийг унших хүн байх болов уу? гээд байдаг юм. Энэ зундаа багтааж найздаа өөрийнх нь шүлгийн номыг ганцхан хувь хэвлүүлээд өгнөө. / 22 настай Ц /

-Би бага ангиасаа л найзалсан нэг сайн найзтай. Тэр маань намайг хот руу шилжихэд хүртэл надтай уулзах гээд араас ирж байсан сайхан сэтгэлтэй бүсгүй бий . Найз маань одоо хоёр хүүхэдтэй. Тийм болохоор ажилд дарагдаад их л ядардаг байх. Хэрвээ би найзыгаа баярлуулахаар болвол хүүхдүүдийг нь тоглоомын төвд тоглуулаад, өөрийг нь эмэгтэйчүүдийн алжаал тайлах газар амруулаад гэрийн эзэгтэйн завгүй өдрийг нь нэг ч болтугай өдөр мартуулна. / 22 настай М/

-Надад дотны ганц л найз байдаг. Бид хоёр цэцэрлэгээсээ эхэлж найзалсан юм. Тэр үед манай хоёр айл зэргэлдээ орц байсан. Нэг нэгнийдээ ороод бүх л зүйлийг хамтдаа хийнэ. Зэрэг гараа угаана, нэг цаасан дээр хоёр харандаагаар зураг зурна. Сүүлдээ яг л нэг хүн шиг болчихдог юм билээ. Хамгийн сонин нь бид хоёр дандаа муудалцана. Тэгээд дараа нь юу ч болоогүй юм шиг л эвлэрчихнэ. Уг нь охидууд муудалцвал барагтаа бол эвлэрдэггүй шүү дээ. Би ийм л эрдэнэ шиг ганц найзтай хүн дээ. Хэрэвээ би 50’000 төгрөгтэй болвол найзынхаа дуртай цагаан дарсыг авч очоод шөнөжин хамтдаа бага насны дурсамжаа ярина. /21 настай З/

-Миний бодлоор миний хамгийн сайн найз ээж минь юм болов уу? Өөр олон сайхан найзууд байгаа хэдий ч ээж маань надад тэднээс илүү шудрага ханддаг юм байна. Эхлээд ээжийгээ, дараа нь над руу хамгийн түрүүнд залгасан нэг сайн найздаа цэцэг авч гэнэт баярлуулнаа. /25 настай Э/

-Сайн найз чинь чиний адармаатай хайрын түүхүүдийг сонсож суухаасаа хэзээ ч залхаж байгаагүй. Тэр бас чамайг өөрийнхөө аз жаргалыг сонгоход чинь хэзээ ч саад болж байгаагүй. Бурхнаас чамд зориулж илгээсэн бэлэг шиг гайхалтай найзыгаа үүнийх нь төлөө талархах хэрэгтэй. Зарим хүмүүс хэн нэгнийг баярлуулахын тулд заавал их мөнгө хэрэгтэй гэж боддог. Гэхдээ дээрх хариултуудаас огтхон ч тийм биш гэдэг нь харагдаж байна.

Чи 50 мянган төгрөгөөр сайн найзыгаа яаж баярлуулах байсан бэ?

Эх сурвалж: Охид бүсгүйчүүдийн онлайн найз Гоолингоо.мн-Iris
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(202)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com