ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Бид яагаад нарны тос хэрэглэх шаардлагатай вэ?

Эрүүл мэнд  | 2018 / 04 / 16

Наранд хичнээн хайртайг чинь мэднэ ээ. Дулаахан илчинд биеэ ээж, зунжингаа гар хөлөө аль болох ил гарган алхах дуртайг чинь ч тэр. Гэхдээ нарны хэт ягаан туяаны үйлчлэлээс хамгаалах “бамбай”-тайгаар дуртай зүйлээ хийхгүй бол, бид өөрсдөө ч мэдэлгүйгээр наснаасаа эрт хөгширч, гоо сайхан эрүүл мэндээ гундаасаар байдаг.

Бид яагаад нарны тос хэрэглэх шаардлагатай вэ?
Ялангуяа UV туяаны үйлчлэл хамгийн өндөр байдаг зуны улиралд өдөр тутамдаа, ялангуяа амралт зугаалгаар явж, хөдөөгүүр аялаж, лагерь гарах гэж байгаа тохиолдолд нарны тосыг зайлшгүй хэрэглэлгүй болохгүй.

Нарнаас заавал хамгаалах хэрэгтэй гэж үү?
Наранд удаан явж жаахан л түлэгдэхэд түргэн хөгшрөлтийн шатууд явагдаж, арьсны хорт хавдар тусах магадлал өндөрсдөг. Нарнаас хамгаалах ямар ч арга хэмжээ авахгүй яваад л байвал өөрсдөө ч мэдэхгүйгээр харлаж, үрчлээтэж, эрүүл бус дүр төрхтэй, өвчтэй арьстай болно гэсэн үг. Арьсаа нарнаас хамгаалах хамгийн зөв арга бол зориулалтын тос хэрэглэх. Нарнаас хамгаалах тос хэрэглэснээр нүүрний арьс яг өвлийнх шиг цагаан цайвар хэвээр байна гэж ойлгож болохгүй. Гэхдээ нарны хэт ягаан туяаг бууруулж, түүний хорыг нүүрний арьсанд нөлөөлөхөөс хамгаална. Мөн нүүрний арьс цэвэрхэн, өнгөлөг бор болдог. Нүүрэндээ SPF-тэй энгэсэг хэрэглэсэн ч, хөл гар, хүзүүний арьсыг ч бас нарнаас хамгаалах хэрэгтэй юм.Мөн хүйтэн сэрүүний улирал, бүрхэг бороотой өдөр ч хамаагүй байнга өдөр болж байгаа л бол нарны тосыг хэрэглэх хэрэгтэй. Учир нь ямар ч зузаан үүл нарны хорт туаяг хааж чадахгүй. Ялангуяа манай орны эрс тэс уур амьсгал давамгайлсан, хатуу ширүүн нөхцөлд бил арьсаа бүр ч илүү хамгаалах хэрэгтэй. Нарны тос нь нарны туяа, ширүүн салхи, тоос тоосонцор, агаарын бохирдолоос арьсыг хамгаалдаг

Нарны тосон дээрх SPF-ийн тэмдэглэгээ ямар учиртай вэ?
Нарны тосон дээр байдаг SPF гэдэг нь Sun Protection Factor буюу нарнаас хамгаалах хүчин зүйлийн тэмдэглэгээ юм. SPF15, SPF20, SPF30, SPF40, SPF50 – зэрэг арын тоонууд нь тухайн тос нарнаас арьсыг хэдэн цаг хамгаалахыг зааж өгдөг. Наранд гарснаас хойш эхний арван минутанд л арьс түлэгдэх эхний шатандаа орж эхэлдэг. Нарны тосны хамгаалах хугацааг тодорхойлоход SPF15-ийн тоог нарны туяа үйлчлэх дундаж хугацаа болох 10 минутаар үржүүлж гаргана. Мэдээж SPF-ийн тоо өндөр байх тусам хамгаалах цаг нь уртасна, гэхдээ үүнийгээ дагаад арьсанд үзүүлэх хорт нөлөө ч бас ихэсдэг гэдгийг санах хэрэгтэй. Монгол хүний хувьд хамгийн тохиромжтой нь SPF15-30, SPF/РА++ 30 гэсэн тэмдэглэгээтэй нь юм.

SPF-ээс гадна зарим тосон дээр РА гэсэн тэмдэглээ байдаг нь нарнаас хамгаалахаас гадна харлуулахгүй гэдгийг илэрхийлдэг.

Тэмдэглэгээ Хамгаалах хугацаа Тэмдэглэгээ Хамгаалах хугацаа
1 SPF15% 3 цаг РА+ 4 цаг
2 SPF30% 5 цаг РА++ 8 цаг
3 SPF40% 7 цаг РА+++ 8-аас дээш цаг
4 SPF50% 9 цаг    

Нарны хэт ягаан туяа нь хоёр төрөлтэй. UVA нь арьсны гүнд нөлөөлж хөгшрөлтийг нэмэгдүүлж, арьсыг амархан үрчлээтүүлдэг. Харин UVB нь арьсыг маш хурдан түлдэг нарны хэт ягаан туяа юм. Хоёулаа л арьсны хорт хавдрыг дагуулдаг. PA+++ нь зөвхөн UVA туяанаас хамгаалдаг бол SPF нь UVA, UVB хоёр туяанаас хоёулангаас нь хамгаалдаг.

Нарны тосыг өдөрт хэдэн удаа түрхэх хэрэгтэй вэ?
Арьсны хэлбэр болон наранд хэр удаан байхаасаа хамаараад тосны SPF-ийн хэмжээг сонгож болно. Арьс эмзэг, цайвар байх тусам SPF өндөр байх шаардлагатай. Түүнчлэн тосоо хэдэн цаг тутамд түрхэх ёстойг хүснэгтээс харж болно.

Арьсны хэлбэр 1 цаг 2 цаг 3 цаг 4 цаг 5 цаг
Маш цагаан /маш эмзэг арьс 15 30 30 45 45
Цагаан/ эмзэг арьс 15 15 30 30 45
Цагаан арьс 15 15 15 30 30
Дунд зэрэг арьс 8 8 15 15 30
Бор арьс 4 8 8 15 15

Нарны хэт ягаан туяанаас хамгаалах бүтээгдэхүүний найрлаганд юу орсон байх ёстой вэ?
Нарны хэт ягаан туяанаас хамгаалах шүүлтүүр: Энэ нь нарны хэт ягаан туяаг шүүж түлэх үйлчлэлийг нь бууруулдаг. Энэхүү идэвхтнй найрлагуудын нэгдэлд avobenzone (Парсол МСХ), cinoxate, ecamsule, menthyl anthranilate, octyl methoxycinnamate, octyl salicylate, oxybenzone, sulisobenzone зэрэг найрлагууд орсон байж болно.
E амин дэм. Энэ амин дэм нь нарны хэт ягаан туяанаас үүдэлтэй ДНК-гийн гэмтлээс хамгаалдаг.
Хамгийн гол нь цайрын исэл (Zinc Oxyde). Цайрын исэл нь UVA, UVB хорт туяанаас зэрэг арьсыг хамгаалдаг цор ганц найрлага бөгөөд үүний найрлаганд нь орсон хувь хэмжээ болон бусад будгуудтай зохицох, арьсанд шингэх шингэц зэргээсээ хамааран нарны тоснууд өөр өөр үнэтэй байдаг. Хямд үнэтэй нарны тоснуудад цайрын ислийн найрлага ихэвчлэн 5% -аас хэтэрдэггүй. Гэтэл арьсыг өдөржин хамгаалж чадах дундаж хэмжээ 7%-20% байдаг юм. Тиймээс нарны тосон дээрх найрлагыг нь хараад, ажил, амьлралын онцлогтоо тохируулан сонголтоо хийгээрэй. Байнга гадуур гарах хэрэгтэй байдаг бол 15%-20% цайрын ислийн найрлагатайг, оффис, барилга дотор ажилладаг бол 7%-9%-тайг сонгоход тохиромжтой.

Хэрэв SPF-тэй өөр бүтээгдэхүүн хэрэглэдэг бол заавал нарны тос хэрэглэх шаардлагатай юу?
Хэрвээ чи нарнаас хамгаалах найрлага буюу SPF-тэй энгэсэг, уруул өнгөлөгч, чийгшүүлэгч тос хэрэглэдэг бол наранд хэр удаан хугацааг өнгөрүүлэхээсээ шалтгаалаад тусдаа зориулалтын нарны тос хэрэглэх эсэх нь шалтгаална. Оффисийн ажилтай, дотор ихэнх цагаа өнгөрүүлдэг, хөлрөлт багатай, нүүрээ өдөрт хэд хэдэн удаа угаах шаардлагагүй бүсгүйчүүдийн хувьд тусдаа нарны тос хэрэглэх эсэх нь өөрийнх нь сонголт боловч, бусад SPF-тэй бүтээгдэхүүнүүдээ өдөрт 2-3 удаа түрхэж, гар хөл зэрэг биеийн хэсгүүдээ хамгаалах хувцас өмсөх хэрэгтэй юм.

Нарны тос хэрэглэхдээ өөр юуг анхаарах хэрэгтэй вэ?
• Гэрээсээ гарахаасаа 30 минутын өмнө нойтон биш хуурай арьсан дээрээ нарны тосоо түрхэх хэрэгтэй.
• Нарны туяанд өртөх арьсны бүх л хэсгүүдэд тосоо түрхэх хэрэгтэй. Нүүр, чих, гар, уруул гэх мэт. Харин үсээ хамгаалж нарны малгай өмсөөрэй. Учир нь үс ч бас нарны туяанд гандаж хөгширдөг.
• Цас, элс, ус нь нарны туяаг ойлгодог. Тиймээс энэ гурвын аль нэг нь ихтэй газар луу явах гэж байгаа бол нарны тос хэрэглэх нь бүр ч чухал.
• Нарны хэт ягаан туяа нь үүлийг нэвтэлдэг учраас, үүлэрхэг бүрхэг үед ч нарны тосоо хэрэглээрэй.
• 1-ээс дээш настай хүүхдийн арьсанд нарны тос түрхэж болно. Бага насны хүүхдийг аль болох сүүдэрт байлгаарай.
• Тосоо сонгохдоо хадгалах хугацаа, болон нарнаас хэдэн цаг айхгүйгээр явж болохыг сайн лавлаарай.
• Нарны тос нь дангаараа 100% таны арьсыг хамгаалах боломжгүй бөгөөд дараах аргуудтай хослуулж хэрэглээрэй.
- Нарны илч хурц байдаг 11.00 – 15.00 цагуудад аль болох сүүдэр газар байх
- Нарны малгай, шил хэрэглэх
- Шүхэр хэрэглэх
- Арьсанд хэрэгтэй тэжээллэг хоол хүнс хэрэглэх гэх мэт.

Нарны тосны хэрэглээний талаар илүү дэлгэрэнгүй мэдэхийг хүсвэл доорх бичлэгийг үзээрэй.

“Арчаатай бүсгүйн 100 орой” хөтөлбөрийн гол нийтлэл танд хүрлээ.

“Арчаатай бүсгүйн 100 орой” хөтөлбөрийн ерөнхий зохион байгуулагч: www.goolingoo.mn , www.goolingoo.shop

Арьс арчилгааны мэргэжлийн зөвлөх: О.Наранбилэг ( Anara’s Make Up студийн захирал, Mongolian Next Top Model, Яг түүн шиг, Оддын Академи гэх мэт олон улсын шоунуудын гоо сайхны зөвлөх )

Хөтөлбөрийн хамтрагч: E-nature, Shiseido , Yves Rocher , KM Cell , Body Shop , Skinfood , Seaberry, The Saem, Монос Косметик, Thann

Ингээд эхлээд өөрийгөө хайрлая.

#АрчаатайБүсгүйн100Орой #Залхуугүй100Орой #АрчаатайБүсгүй #ГоолингооШоп #Гоолингоо

Эх сурвалж: Охид бүсгүйчүүдийн онлайн найз Гоолингоо.мн
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(130)   Хаалтанд байгаа 3 оронтой тоог оруулна уу!

Сэтгэгдэл

Зочин: Zochin.   2018-04-16
Narnii tosiig udurt heden udaa turheh be gdg husnegtees harhad tsagt 4 udaa turhene gj oilgoloo zobu? Sain oilgodogguiee bor aristai yum bgm l daa

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com