ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Гоолингоогийн нэвтэрхий толь: Дэлгүүр хэсье

Мэдээлэл  | 2014 / 09 / 21

Энэ намрын хувцас загварын трендийн тухай нийтлэл бичиж байтал бүстэй пальто, гуя хүртэл түрийтэй өндөр өсгийт, улаан өнгийн ямар нэг гоё зүйл, бүрх малгай авч, моодтой хөл нийлүүлж алхмаар санагдаад шуналаа баахан хөдлөгчихлөө. Яасан ч гоё юм, цаад моод гэдэг зүйл чинь?

Гоолингоогийн нэвтэрхий толь: Дэлгүүр хэсье

Үнэхээр байж суухын аргагүй болтол шүлс асгаруулсан загварын зураг дээрээс харсан нэг зүйлээ авъя гэтэл яг хаанаас хайвал байх боломжтойг мэдэхгүй бол бас л хэцүү.Ажил ихтэй завгүй байхад хотын бүх дэлгүүрийг “нэгжиж” дуусгах хэрэг ч гардаг. Онлайн дэлгүүрээс захиалж болно л доо. Гэхдээ хэтэрхий үнэтэй эсвэл үзэж харж авахгүй болохоор ямар нэг талаараа санаанд нийцэхгүй байх магадлал өндөр. Ийм л асуудлыг шийдэхийн тулд бид анх “Дэлгүүр хэсье” булангаа санаачилсан юм. Булангийн маань уриа “Чи дэлгүүрт очих биш дэлгүүр чам дээр ирнэ.”

Хэдийгээр булан маань онлайн хэлбэртэй ч бусад дэлгүүрүүдээс хэд хэдэн талаараа өөр:
1. Нэг л дэлгүүрээр хязгаарлагдалгүй, аль болох Улаанбаатарын бүх гоё дэлгүүрүүдийн барааг нэг дор байлгах
2. Хэтрүүлэгтэй сурталчилгаа огт хийхгүй
3. Чиний хэсүүлэхийг хүссэн дэлгүүрээр өмнөөс чинь хэсч өгөх буюу чи хүслээ зүгээр л хэлчихэж болно
4. Бүтээгдэхүүний дэлгэрэнгүй бөгөөд үнэн мэдээллийг дор бүр нь бичнэ
5. Мэргэжлийн зураг авалттай
6. Найз чинь дэлгүүр хэсч ирчихээд ямар байсныг нь чамд ярьж байгаа юм шиг дотно бас бодит
7. Загварын мэдрэмжтэй хувцаслахад чинь туслахаас гадна хэзээ ч тухайн барааг “худалдаж ав” гэж шахахгүй бас ятгахгүй.

2009 онд Гоолингоо.мн сайттай маань зэрэгцэн энэхүү булан маань нээгдэж, eshop@goolingoo.mn хаягийг ашиглаж эхэлж байлаа. 4 жилийн өмнөхөөс сошиал медиа өндөр хөгжиж харилцааны арга хэрэгсэл нь тун хялбаржаад байгаа болохоор и-мэйл хаягаа ашиглахаа түр зогсоосон юм. Гэхдээ булангийнхаа үйл ажиллагааг зогсоогүйгээр барахгүй улам боловсронгуй төлөвлөгөө гаргаж, фэйсбүүк хуудас - тай болгосон.

Анх булангаа нээсэн нийтлэлийн дор:
Зочин: sawa.
“Эмэгтэйчүүдийн цагийг хэмнэсэн санааг гаргасан та бүхэнд баярлалаа.”

Зочин: tseenee.
“Дажгүй дотуур хувцас байдаг боломжийн дэлгүүрүүд хаагуур байдаг бол?”

Зочин: azuush.
“Адидасын бараа бүтээгдэхүүнийг сонирхмоор л байна. Кет, хослол... Одоо гадаа дулаарч байгаа юм чинь намхан бас чамин сандаал, ботинкны загвар, хаана зарж байгаа зэргийг мэдэллэвэл их баярлах байна.”

Зочин: Munkhjargal.
“Энэ сайхан санаа байна. Дэлгүүр хэсэх шаардлагатай мөртлөө яаж яавнаа гэхээс л хэцүү санагдаж явмааргүй болдог. Тиймээс энэ санал надаа сайхан санагдаж байна. Надад UB март, Билэг их дэлгүүр, Минж плаза, Энэ хүүхнүүд үү дэлгүүр, N47 shop гээл хэрэгтэй байдаг. Өөр миний мэдэхгүй гоё дэлгүүрүүдийг мэдэж авбал сайхан л байна. Санаа тавьсан та нартаа баярлалаа.”

Зочин: Giihknaran.
“Би цэцгийн дэлгүүр, соёолж төв ормоор байна.”

Зочин: Zaya.
“Говь, Гоёогийн ноолууран платьнууд байвал гоё байх. Тэдгээрийн сүүлийн үеийн гоё загварууд, мэдээллийг авах сонирхолтой байна.”
гэх мэт маш олон саналууд ирж байсан юм. Энэ болгоныг бид уншаад, маш зөв зүйл сэдсэн гэдгээ мэдэрч ямар их урам ордог гээ!

Үүний дараа Гоолингоо.мн сайт дээрх анхны нийтлэл Victoria’s secret -ийн бүтээгдэхүүний тухай байсан юм.

1. Түүнээс хойш бид "Latika" дэлгүүр, M.Y Boutique, Ziimaa fashion shop, Amur boutique, "ILONA" fashion club, ESPRIT брэндийн дэлгүүр, Celio брэндийн дэлгүүр, Adidas гэх мэт дэлгүүрүүдээр хэссэн.
2. “Дэлгүүр хэсье” булангийнхаа хүрээнд явуулсан бас нэг ажил бол шинэ жилийн даашинзны захиалга юм. Шинэ жилийн баяр ойртох бүрт бүсгүйчүүд бид даашинзны эрэлд гардаг. Зүгээр ч үгүй загварлаг, чанартай, орчин үеийн бас чамайг илэрхийлэхүйц байх хэрэгтэй. 2013 оны шинэ жилийн өмнө бид Америкийн нэгдсэн улсаас онлайнаар даашинзны захиалга хийж байсан. Энэ жил ч мөн үргэлжлүүлж хийхээр төлөвлөчихсөн байгаа.
Жич: Гоолингоо нь энэ жил 5 нас хүрч байгаа. Ойн баяраа тохиолдуулаад бид уншигчиддаа өөрсдийнхөө талаар улам сайн танилцуулъя гэж бодсон юм. Сэтгэлийнхээ нарийн нандин асуудлыг хуваалцдаг хэрнээ, нэг ч удаа яг ямар шалтгаанаар энэ бүхнийг хийдэг тухайгаа бид та нарт хүүрнэж байгаагүй юм билээ. “Гоолингоогийн нэвтэрхий толь” дараагийн удаад “Гоолингоо зөвлөж байна” булангийн талаар өгүүлэх болно.
Эх сурвалж: Охид бүсгүйчүүдийн онлайн найз Гоолингоо.мн
  |  
Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(950)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com