ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Хайр гэдэг бол Чи

Миний амьдрал  | 2014 / 10 / 18

Сайн байна уу, Гоолингоо? Юуны өмнө би танай сайтын эрэгтэй уншигч байна гэдгээ хэлье. Бүсгүйчүүдийн тухай бодож ч байгаагүй зүйлийг дурьдаж, сануулж байдагт баярлалаа. Эрэгтэй хүнийхээ үүднээс тэднийг ойлгоход минь тусалдаг юм шүү. Монголын бүхий л эмэгтэйчүүд танай сайтыг уншдаг бас хайрт тэр минь уншиж байхыг нь харсан учраас энэхүү захидлаа илгээж байна. Заавал нийтэлж өгөөрэй гэж хүсье.

Хайр гэдэг бол Чи

Сайн уу, хайрт минь?
Чамдаа энэхүү өдрийн мэндийг хүргье. Хэн нэгнийг нууцхан хайрлаж, түүнийхээ зургийг харах болгондоо шинээр дурлах зэрэг нь үгээр хэлэхийн аргагүй аз жаргал басхүү багахан гуниг дагуулдаг. Чамайг нууцхан хайрласан хайр минь бүхнээс хүчтэй ч хэр удаан ингэж нуухаа мэдэхгүй байна. Хэрвээ чи энэ захиаг уншиж байгаа бол асар их зориг гаргаж чамд хайраа илчилж байна гэж бодоорой. Тиймээс зориг бас чамд өгсөн хайрыг минь үнэлж энэ захиаг дуустал нь уншихыг хүсье.

Чамтай учирсан учрал минь яг л зүүд шиг хэзээ ч мартагдахгүй тэр нандин дурсамжийг үлдээжээ. 2011 оны 9 сар энэ бол миний амьдралын хамгийн азтай ч гэмээр, жаргалтай ч гэмээр бас жаахан гуниг тээсэн үе байсан. Их сургуулийн 4-р курсын оюутан болсон миний хувьд төрөлх сумандаа, төгссөн сургуульдаа багшлах дадлага хийх болсон нь сайхан мэдрэмж түрүүлж байсан хэдий ч түүнээс илүү аз жаргалтай учирна гэдгээ тэр үедээ мэдэлгүй явснаа нуугаад яахав. Сурагч байсан сургуульдаа багшийн дүрээр ирж, багаас таньдаг дүү нар багшаа гэж дуудах нь нэг л содон басхүү сонирхолтой. Дадлагын эхний хэдэн хоногууд нэг хэвийн өнгөрч билээ. Жил бүрийн намар сургуульдаа яаран ирдэг байсан сурагч нас минь өнгөрч анхны гэнэн дурлалын минь дурсамжийг хадгалсан сургуульдаа багшлана гэдэг цаанаа л нэг сайхан. Оюутан ахуй насандаа үеийн охид сэтгэл алдарч дурлаж, хайрлаж, үерхэж бас хаягдаж үзсэн болохоор хэн нэгнийг хайрлана гэхээр багахан айдастай явдаг болсон юм. Харин тэр нэгэн хичээлийн цаг хэн нэгнийг хайрлахыг мартсан сэтгэлийг минь дэвтээх шиг болсон. Учир нь тэр ангид чи байсан болохоор. Хэн нэгэнд анхны харцаар дурлах мэдрэмжийг тэр үед л мэдэрч билээ. Өмнө хэзээ ч харж байгаагүй дүрэлгэр алаг нүд, гайхалтай харагдах хөмсөг, дөлгөөн харц гээд бүх зүйл чинь намайг соронз мэт татсан. Өмнө нь 3 сар багшилж үзсэн миний хувьд хичээл заах тийм ч асуудал болдоггүй байлаа. Тэр хичээлийн цаг үнэхээр хэцүү өнгөрч билээ. Хэрэв чи анзаарсан бол ээрч гацаал, ярих юмаа мартаад байн байн ном эргүүлж, хөлсөө арчаа л........ Тэр хичээл ямар урт байсныг үгээр хэлэхийн аргагүй. Хичээл дууссаны дараа чиний харц, чиний төрх толгойд эргэлдсээр л байсан. Дараагийн удаад танай ангид хичээл заах тийм ч хэцүү биш санагдаж харин ч хичээл заах цагийг хүлээдэг болж билээ. Бид хоёрын хооронд хэдийн 4хөн насны зөрүү байсан ч багш сурагч гэсэн том хана зааглаж байсан болохоор чамд элдэв зүйл ярилгүй дадлагаа дуусгаж, багшилж үзсэн сүүлийн сар минь нэг иймэрхүү л дурсамжтай өнгөрсөнсөн.

Дадлагын хугацаа дуусаж сургууль руугаа буцах үед чамайг харахгүй гэж бодох тусам галзуурах мэт болдог байлаа. Манай нутгаас Улаанбаатар хүртэл явах замын уртыг ч хэлэхүү энэ урт замыг туулж байхдаа ганцхан чиний л тухай бодож байсансан. Нутгаасаа явсан тэр өдрөөс хойш нэг жилийн хугацаа өнгөрсөн ч чамайг бодолгүй өнгөрүүлсэн нэг ч өдөр, хором мөч байхгүй болохоор улам ихээр чамайг санаж хайрласан хайр минь бат бөх болсоор. Жилийн дараах тэр нэг намрын өдрийг би тодхон санаж байна. Хаана юу хийж байгааг чинь мэдэхгүй байсан чиний фэйсбүүкийг санаандгүй байдлаар олсон. Яг энэ үеэс хойш би чамайг фэйсбүүкрүү орох болгонд чинь мессеж бичдэг болсныг чи мэдэх байх. Чиний зургийг харах бүртээ догдлож, чамтай мессежээр харьцах бүртээ жаахан хүүхэд шиг баярлаж явсаар нэг л мэдэхэд 3 жилийг ардаа үджээ. Цаг хугацаа хайрын хамгийн том хэжүүр гэж хүмүүс ярьдаг. Энэ 3 жилийн хугацаанд үнэндээ бид хоёр тогтмол харьцаатай байгаагүй ч чамайг хайрласан хайр нь хөрөөгүй юм шүү. Өнгөрсөн хугацаанд хайраа илчлэх гэж хичээх бүртээ зориг хүрэхгүй жаахан хүүхэд шиг болдогсон. Гол нь надтай харилцах чиний харилцаа өөр болно гэдгээс айсан хэрэг. Чам шиг ийм үзэсгэлэнтэй охин намайг хайрлах нь юу бол гэж бодсондоо чамайг мартах гэж хичээсэн ч чадахгүй юм байна лээ. Тиймээс л би зориг гарган өөрийнхөө хайрыг чамд илчлэхийг хүслээ.

Гурван жилийн хугацаанд их зүйл өөрчлөгджээ. Бид хоёрын дунд байдаг Багш, Сурагч гэсэн зааг үгүй болсон гэж боддог. Гэхдээ чи намайг хэзээ ч багш гэж хардаггүй, тэгж харьцдаггүй байсанд чинь дотроо үргэлж баярлаж явдагаа нуугаад яахав. Чи зөвшөөрөхгүй байсан ч хамаагүй би зориг гарган хайраа илчлэхээр шийдсэн юм. Гол нь энэ хорвоогийн хамгийн хөөрхөн охинд хайраа өгсөн гэж бодохоор надад харамсах зүйл байхгүй ээ. Гурван жилийн өмнө надаас хайр гэж юу вэ? гэж асуусан бол би элдэв зүйл л хэлэх байсан байх. Харин одоо бол тун энгийн. Хайр гэдэг бол ЧИ. Би чамд хайртай

Өвлийн хүйтэн цасан дундаас нэгэн цэцэг ургана
Өхөөрдөм инээмсэглэх тэр цэцгэнд би шимтэн дурлана.

А...................................-аас Н........................................-нд

Редакцийн зурвас
Сайхан хайрын түүхээ бидэнтэй хуваалцсан уншигч залуудаа баярлалаа. Захидлын эзэн залуу шиг өөрийнхөө эерэг сайхан түүхийг чи ч бас бидэнд илгээж болно. Өөрийн амьдрал дахь шийдэж чадахгүй байгаа асуултандаа тохирсон хариулт эрж, бидэнд захидал бичин илгээдгийг чинь мэднэ ээ. Гэхдээ бид амьдралын сайн сайхан зүйлсээ бусадтай хуваалцсанаар өмнөхөөс нь ч сайхан болгож чадна гэдгийг мэднэ биз дээ? Найз бүсгүйчүүдийнхээ таарамжгүй байдлыг хэрхэн эвдэж нэгтгэсэн, мөрөөдлийнхөө төлөө өөрийн гараар бүтээсэн боломж чинь, хайрттайгаа хэрхэн гэр бүлээ төлөвлөж байгаа чинь ч гэсэн олон хүнд мэдлэг, урам зориг бэлэглэж чадна. Тийм болохоор өөрийнхөө туршлага, амжилт, амьдралыг бага гэж гололгүйгээр сайн сайхан түүхээ бидэнтэй хуваалцаарай. Илгээх хаяг Goolingoo@gmail.com шүү. Эхнэрээ сайхан халамжилчихдаг, үр хүүхдүүддээ хэнээс ч илүү анхааран, хүмүүжүүлдэг, гэр бүлийн ноён нуруу болсон эр нөхөр, бэрдээ төрсөн охин шигээ хандаж, хайрладаг хадмууд ч зөндөө бий, тийм үү? Гоолингоо нь чиний урам зоригийг түгээх гүүр нь болж өгье. Чиний Гоолингоо ХОХО

Эх сурвалж: Охид бүсгүйчүүдийн онлайн найз Гоолингоо.мн -д ирсэн захидал
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(103)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com