ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Өөрийн яаж жаргалд умбаж явсанаа бодоод одоо хүртэл ичих бас улам мэрийх сэтгэл төрдөг

Миний амьдрал  | 2015 / 11 / 21

Сайн байна уу, Гоолингоо?
Энэ өдрийн мэндийг танд болон уншигчдад хүргэе. Би өөрийнхөө багаахан дурсамжийг та бүхэнтэй хуваалцах гэсэн юм.

Өөрийн яаж жаргалд умбаж явсанаа бодоод одоо хүртэл ичих бас улам мэрийх сэтгэл төрдөг

Ахлах сургуулийн сурагч байхдаа би зун болохоор л их гунигтай болчихдог байж билээ. Яагаад ч юм мэдэхгүй. Магадгүй найз нөхдөөсөө холдсон болоод л тэр биз. Хичээлийн сүүлийн өдөр болоход харьяалагдах зүйлгүй болоод сургууль гэх хүлээснээс ангижрах мэт болох боловч маргаашнаас нь хамгийн том эрх чөлөөнд уначихсан мэт санагдаад юу хийж, яаж цагийг барах талаар л толгойгоо гашилгадаг байсан юм. Хичээл тарсан өдрөөс авхуулаад л халаасандаа гараа хийгээд, гудамж метрлэдэг эсвэл энд тэнд найзтай болох болов уу гэж сул алхдаг хүн болчихдог байлаа. Голцуу л үд хүртэл унтана, утсаараа тоглоно. Аргагүйн эрхэнд тог тасарвал уйдсандаа ном уншина гэх мэт цагийг бол зүгээр л сул асгадаг байлаа. Иймэрхүү хэв маягтайгаар хэдэн зуныг үдсэнээ ч мэдэхгүй юм.

Ингэж явсаар төгсөх ангид ордог намар манай ангийн хэдэн сайчуул өнгөрөгч зуны амралтаараа юу хийсэн тухайгаа ярьж гарав аа. Би ч зуслан явсан, зөндөө олон шинэ найзтай болсон гээд л бурж өглөө дөө. Үнэндээ 7хоног л зусланд амарсан. Нэг их найзтай болж шалиагүй л дээ. Тэгтэл манай ангийнхан ам уралдуулаад л:

-Би хөдөө очиж эмээ, өвөөгийнхөө малыг харж өгсөн. Итгэхгүй бол намайг хар л даа гээд мяралзсан цагаан шүд, наранд түлэгдэж харласан арьсаа харуулна.

-Би гэрийнхэнтэйгээ гадаадаар аялж яваад ирсэн гэх мэт энэ тэрүүгээр явсан тухайгаа ярьж байв. Энэ дунд бараг л бүх хүүхдүүд яриад дууссан хойно манай ангийн хамгийн дуу муутай хүү босч ирээд:

“Би энэ зун машин угаалгын газар ажиллаад, хажуугаар нь англи хэлээ давтаад надад амрах цаг олдсонгүй ээ. Харин хичээл орсоноор би илүү завтай боллоо. Одоо англи хэлээ шаргуу бэлдэнэ дээ” гэж нүдэндээ оч гялалзуулан хэлсэн юм.

Ангид чимээ аниргүй давамгайлж бүгд дотроо нэгийг бодож хоёрыг тунгаасан юм. Бид ээж аавынхаа түрийвчийг нимгэрүүлэн байж авахуулсан ганган чамин хувцаснаасаа ичиж харин тэр хүү л ганцаар өөрийн цалингаараа авсан нэг их үнэтэй биш цагаан цамц, хар өмдөө нүүр бардам өмсөж байсан даа.

Би гэртээ уруу царайлж ороод гэмтэй хүн шиг санагдах энэ мэдрэмжээ нулимсаараа угаан байж тайван унтсан юм. Тэр хүүгийн хэлсэн үг чихэнд сонстсоор сул алхаж байсан үеийн өөрийнхөө алдсан цагийг улам бүр нөхөн авах гэж бүхий л цагийг үр дүнтэй ашиглаж, тэр жилийн ЭЕШ-д хамгийн өндөр оноог авч чадсан билээ. Тиймээ тэр хүүгийн ар гэрээ авч явахын тулд ажиллаж басхүү хичээлээ умарталгүй явж байсны хажууд өөрийн яаж жаргалд умбаж явсанаа бодоод одоо хүртэл ичих бас улам мэрийх сэтгэл төрдөг юм. Энэ дурсамж л надад хамгийн тод үлдсэн. Бас намайг одоог хүртэл ажиллах эрч хүчээр дүүргэж өгдөг гуниг баясал ичимдэг сэтгэл хослуулсан хамгийн үнэтэй дурсамж юм.

Редакцийн зурвас:
Өөрийн амьдрал дахь шийдэж чадахгүй байгаа асуултандаа тохирсон хариулт эрж, бидэнд захидал бичин илгээдгийг чинь мэднэ ээ. Гэхдээ чиний хэнээс ч асуулгүйгээр шийдсэн шийдэл ч зөвлөмж зөвлөгөө болж, дотроос чинь гэрэлтэх аз жаргал онлайн найзуудад чинь эрч хүч болж бас нөхрийн чинь жижигхэн хэрнээ хайрыг чинь татдаг зан чанар сайтыг маань нууцхан уншдаг залууст үлгэрлэл болж чадна гэж бодож байсан уу? Найз бүсгүйчүүдийнхээ таарамжгүй байдлыг хэрхэн эвдэж нэгтгэсэн, мөрөөдлийнхөө төлөө өөрийн гараар бүтээсэн боломж чинь, хайрттайгаа хэрхэн гэр бүлээ төлөвлөж байгаа чинь ч гэсэн олон хүнд мэдлэг, урам зориг бэлэглэж чадна. Тийм болохоор өөрийнхөө туршлага, амжилт, амьдралыг бага гэж гололгүйгээр сайн сайхан түүхээ бидэнтэй хуваалцаарай. Илгээх хаяг Goolingoo@gmail.com шүү. Гоолингоо нь чиний урам зоригийг түгээх гүүр нь болж өгье. Чиний Гоолингоо ХОХО.

Эх сурвалж: Бүсгүйчүүдийн онлайн найз Гоолингоо.мн - д ирсэн захидал.
  |  
Өмнөх мэдээлэл
Дэлгүүр хэсье: 151120
Дараах мэдээлэл
Давс нь таарах сайхаан

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(224)   Хаалтанд байгаа 3 оронтой тоог оруулна уу!

Сэтгэгдэл

Зочин: Bs.   2018-03-24
woow gaihaltai. iim humuus olon baigaasan

Зочин: XOXO - Hugs and Kisses.   2015-11-25
XOXO yun tiim sonin bna? Angliar bol hugs and kisses buyu tevrey bas unsey l gesen utgatai naiz nuhudiin hoorond bainga l hereglegdej bichigddeg ug shuu dee, gollingoo ruu udur bur bainga orj unshdag gedeg chin bid buhenii naizaas uurtsgui shuu dee!!! Tiimees chinii goolingoo esvel xoxo geed bgaad neeh buruutgaad shuujleed baih yum alga! Goolingoo keep writing, keep creating wonderful things for us! We love you <3

Зочин: otgoo.   2015-11-25
Энэ #Goolingoo маань сүүлийн үед яагаа вэ??? Угнь хамгийн түрүүнл орж шалгадаг сайт маань байсан юмсан нэг л сонин болчижээээээээ

Зочин: Zochin.   2015-11-24
Harin timee yuun XOXO nuhur yariagui bhad yun jijigench gsen nuhriin hair tatah suuliin ued goolingoo ayaguu sonirholgui boljee

Зочин: anar.   2015-11-23
unshigchiin zugees XOXO geh shaardlagagui sanagdlaa. gossip girl bolon gadaaduud l suulin ued XOXO gedeg bolson

Зочин: xxoxo ch gh shg.   2015-11-23
XOXO chinii goolingoo ch gh shg. neeh gadaad kinonoos sanaagaa avchihsan. bitgii duuria za. mongold zohihui bn. naadhii chn gossip girl dee ingej bichdegiig hen ch medne

Зочин: -.   2015-11-22
Өөрийн амьдрал дахь шийдэж чадахгүй байгаа асуултандаа тохирсон хариулт эрж, бидэнд захидал бичин илгээдгийг чинь мэднэ ээ. Гэхдээ чиний хэнээс ч асуулгүйгээр шийдсэн шийдэл ч зөвлөмж зөвлөгөө болж, дотроос чинь гэрэлтэх аз жаргал онлайн найзуудад чинь эрч хүч болж бас нөхрийн чинь жижигхэн хэрнээ хайрыг чинь татдаг зан чанар сайтыг маань нууцхан уншдаг залууст үлгэрлэл болж чадна гэж бодож байсан уу? Найз бүсгүйчүүдийнхээ таарамжгүй байдлыг хэрхэн эвдэж нэгтгэсэн, мөрөөдлийнхөө төлөө өөрийн гараар бүтээсэн боломж чинь, хайрттайгаа хэрхэн гэр бүлээ төлөвлөж байгаа чинь ч гэсэн олон хүнд мэдлэг, урам зориг бэлэглэж чадна. Тийм болохоор өөрийнхөө туршлага, амжилт, амьдралыг бага гэж гололгүйгээр сайн сайхан түүхээ бидэнтэй хуваалцаарай. Илгээх хаяг Goolingoo@gmail.com шүү. Гоолингоо нь чиний урам зоригийг түгээх гүүр нь болж өгье. Чиний Гоолингоо ХОХО. eniigee bolichoocheee shal medremjgui ontsgui sanagddag bolchij

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com