ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Арьсаа аж: Бие дотор чинь юу болоод байна вэ?

Эрүүл мэнд  | 2016 / 05 / 25

Арьс гэдэг хүний биеийн хэмийг зохицуулж, элдэв нянгаас биеийг бүхэлд нь хамгаалж, өвдөлт, даралт, халуун, хүйтэн зэргийг мэдэрч дохио өгдөг зэрэг маш олон чухал ач холбогдолтой хамгийн том эрхтэн. Дээрх олон шинжийг өөртөө агуулдаг учраас эргээд чиний дотор юу болж байгааг гадагшлуулж хэлж өгдөг байна. Тийм болохоор өөрийнхөө биеийн байдлыг ямар байгааг мэдэх хамгийн энгийн арга нь арьсаа шинжих байдаг. Арьс маань бидэнд яаж хэлж өгдөг вэ гэхээр:

Арьсаа аж: Бие дотор чинь юу болоод байна вэ?

Хуурайшиж, загтнах: Арьс хуурайшиж загтнахын нийтлэг шалтгаан нь эрс тэс цаг агаарын улмаас чийгээ алдсантай холбоотой байдаг. Энэ нь чийгшүүлэгч тос түрхээд эхлэхэд л эргээд хэвийн байдалдаа орно. Харин нөгөө талаас чиний бие организмд омега-3 дутагдаж байгаагийн шинжийг илэрхийлж байдаг. Хэрвээ энгийн нэг загтнахаас илүү хүчтэй, тогтмол загтнаж, чийгшүүлэгч хэрэглээд ч хэвийн болохгүй байвал хорт хавдар, бамбай булчирхайн асуудлууд, бөөрний өвчлөл зэрэг илүү ноцтой байдлыг илтгэдэг болохоор эмчид хандах хэрэгтэй шүү.

Улайж, үрэвсэх: Чиний нүүр, тохой, хуйх, хөл, өвдөг зэрэг хэсгүүдэд арьс чинь улайж, үрэвссэн байна уу? Хэрвээ ийм зүйл ажиглагдаж байгаа бол энэ нь хайрст, толбот үлдийн шинж тэмдэг байж болно. Үлд гэдэг нь арьсны эсийн эвэрших үйл ажиллагаа нь түргэссэний улмаас үүсдэг. Үлд нь тухайн хүний удамшлын нөхцөл болон сэтгэл санааны хямрал болон хоолойн өвчин, үе мөчний үрэвсэл зэргээр өдөөгдөн үүсдэг байна. Мөн ингэж үлд гарах нь сэтгэл гутрал, хорт хавдар болон зүрхний өвчний эрсдлийг харуулж байдаг.

Гүнзгий үрчлээ үүсэх: Хэрвээ нүүрэн дээр чинь гүнзгий том үрчлээ үүсээд байгаа бол энгийн нэг хөгшрөлтийн шинж тэмдэг биш ясанд асуудал үүсч байгаагийн шинж байж магадгүй. Ялангуяа өндөр өсгийтэй гутал өмсдөг бүсгүйчүүдийн хувьд нүүр болон хүзүүн дээр гүн үрчлээ үүссэн байгаа бол тэр нь нурууны болон бусад ясны нягтрал нь багассаны шинж байх магадлал өндөр байдаг. Энэ нь хүний арьс болон ясанд аль алинд нь агуулагддаг коллагентай холбоотой байдаг. Тийм болохоор коллаген дутагдахын хэрээр арьс, ясны уян хатан чанар, нягтрал дагаад мууддаг байна.

Зовхи хавдах: Зовхи хавдах нь харшлын шинж тэмдэг болохоос гадна, бөөрний үйл ажиллагаа муудсаны шинж. Гэхдээ мэдээж нойр муутай хонох, ядрах зэрэгт хавдана. Харин хавдахынхаа хажуугаар бага зэрэг улайж, загтнаж байвал энэ харшилын шинж болж өгнө. Чиний хэрэглэдэг гоо сайхны бүтээгдэхүүн, үнэртэй ус, саван гээд л юунаас ч харшилсан байж болно. Нүүрний бусад хэсэгтээ мэдэгдэхгүй ч хамгийн эмзэг, мэдрэг арьстай зовхинд чинь харшлын шинж ингэж илэрч байж болно.

Арьс шарлах: Арьс шарлах нь гол төлөв цөс, гепатит, хорт хавдар, элэгний хатуурлын шинж тэмдэг болдог. Хамгийн түгээмэл илрэл нь насанд хүрэгчдийн хувьд цөсний чулуу, хатуурлыг арьсны шарлалтаар оношилж болно.

Хэрвээ дээрх шинж тэмдгүүд чиний арьсанд илрээд байгаа бол мэргэжлийн эмчид хандан шинжилгээ өгч, эрүүл мэнддээ анхаараарай.

Эх сурвалж: Бүсгүйчүүдийн онлайн найз Гоолингоо.мн
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(630)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com