ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Хэрхэн илүү сонирхолтойгоор амьдрах вэ?

Чөлөөт цаг  | 2016 / 08 / 10

“Уйдаад байна”, “Хийх юм олдохгүй байна” зэргийг үгсийн сангаасаа хасахыг хүсэж байна уу? Нэг хэвийн амьдралын хэв маягаа өөрчилж, арай сонирхолтой өдрүүдийг өнгөрүүлмээр байна уу? Тэгвэл наашаа суугаад үүнийг уншаарай.

Хэрхэн илүү сонирхолтойгоор амьдрах вэ?

1. Олон нийтийн сүлжээнд идэвхтэй бай
Фэйсбүүк, инстаграм, твиттерт идэвхтэй бай. Гэхдээ мэдээж өөрийнхөөрөө л бай. Өөрийнхөө зургийг авах, онч үгс унших, хувцас загварын блогчидыг идэвхтэй үзэхийг хүсдэг бол түүнийгээ л хий. Өөрийнхөөрөө идэвхтэй бай. Өдөрт чамд өөрт чинь чиглэсэн нэг ч “notification” ирэхгүй байснаас бичсэн статустаа сэтгэгдэл авч байвал мэдээж арай сонирхолтой биз дээ?

2. Хүмүүстэй нийтэч бай, илүү их инээмсэглэ
Хүн бүртэй чөлөөтэй, өөрийнхөөрөө, эелдэг харьц. Хэнээс ч өөрийгөө дор эсвэл дээгүүр гэж бодох хэрэггүй. Шинэ хүмүүстэй танилцахдаа баяртай бай. Түүний ертөнцийг сонирх, магт. Өдөр бүр яг л мөрөөдлийн өдөр мэт инээмсэглэ. Инээж байгаа хүнд инээх зүйл илүү ихээр тохиолддог шүү дээ. Тиймээ, чи сайхан амьдарч байна. Өөр юу хэрэгтэй гэж?

3. Эрчүүдтэй харилцах харилцаагаа зогсонги болгох хэрэггүй
Нэг эр чамд таалагдахгүй байлаа гээд харилцаагаа шууд таслах хэрэггүй. Та хоёр найзууд болж ч болно шүү дээ. Чамайг үнэхээр гомдоосон эсвэл дэргэд нь баймааргүй хүн биш л бол тохирох хэмжээнд нь харилцаагаа үргэлжлүүлсээр л бай. Аргаа ядсан үед тусламж хүсэх ганц л хүнтэй байж, түүнийг үгүй гэж хэлэх үед амьдрал чамд үнэхээр хэцүү санагдана. Тиймээс өөрөөсөө боломжуудыг битгий түлхэж явуул. Хамгийн гол нь өөр өөрийн гэсэн хязгаарыг давалгүйгээр, чөлөөтэй, өөрийнхөөрөө, сэтгэлээсээ харилц. Танилтай хүн талын чинээ гэдэг үгээр зүгээр нэг үүсээгүй юм шүү.

4. Шинэ зүйл сурахаа хэзээ ч битгий зогсоо
Байнга ямар нэг дугуйлан, курс, секцэд явж бай. Нэг нь дууссан бол гүнзгийрүүл эсвэл өөрийг ахиад эхлүүл. Чөлөөт цагаараа өөрийн гэсэн хийдэг зүйлтэй байж, ертөнцөө илүү сонирхолтой болго. Ертөнцийг харах үзэлд чинь ч энэ дадал нөлөөлж, чамайг илүү сайн хүн болгох болно.

5. Ном унш
Ном бидэнд шинэ санаа өгч, өөр орчинд аваачиж, олж анзаараагүй байсан зүйлсийг харуулах шидтэй. Ганцаараа байхдаа “Намайг хайрлах хүн алга” гэж бодон гуниглах завыг өөртөө битгий олго. Оронд нь чамайг инээмсэглүүлэх, шинэ мэдлэг өгөх, сонирхолтой мэдрэмж төрүүлэх тийм л зүйлсийг хийж чаддаг байх нь ганцаараа байх цагийг чинь илүү сайхан болгоно.

6. Найзууддаа тусалж, найз шиг найз бай
Бас найзууд руугаа шалтгаангүйгээр утасд. Яагаад болохгүй гэж? Та хоёр чинь найзууд шүү дээ. Нөхөрлөлөө илүү үнэ цэнэтэй болгох тал дээр ажилласаар байгаарай.

7. Гэртээ байх цагаа үр бүтээлтэй болго
Гэртээ байх цагаа зурагтын өмнө сууж эсвэл гар утсаа оролдож өнгөрүүлэх хэрэггүй. Харин шинэ хоол хийж үзэх, дасгал хөдөлгөөн хийх, гоо сайхандаа анхаарах гэх мэтээр өөртөө хөрөнгө оруулалт хий. Үүндээ зориулж хуваарь гаргачихвал бүр ч гоё. Эсвэл зүгээр л зурагт, компьютерээ унтраагаад тайван сайхныг мэдэр.

8. Зоригтой бай
Өөртөө болоод, эргэндээ тойрондоо өөрчлөлт хийх зоригтой бай. Өөрчлөлтөөс айдаг биш болохгүй байгаа мэт мэдрэгдэх үед нь шууд л өөрчилж чаддаг байгаарай, яг л нүүдэлчин хүмүүс шиг. Байгаа газар чинь таалагдахгүй бол нүүж яваад таалагдсан газраа цоо шинэ амьдралыг эхлүүлж чаддаг бай. Боломж хаалгыг чинь тогшвол золиос гаргаад ч болов атгаж чаддаг бай.

9. Эцэст нь харах өнцгөө өөрчил
Өөрийгөө болоод өөрийнхөө амьдралыг харах өнцгөө өөрчил. Бүхнийг өөдрөгөөр хар, болж бүтэж байна гэж бод, мэдэр. Чи бол дэлхий дээрх цор ганц нэгэн. Бас чамд хүссэнээр амьдрах боломж байна. Тиймээс аль болох өөрийгөө алхам тутамдаа өөд нь тат, найз минь.

Ер нь амьдралаа бид өөрсдөө л уйтгартай болгодог. Уйтгартай амьдрах уу, адал явдалтай амьдрах уу гэдэг нь өөрсдийн маань л сонголт юм. Тиймээс өөр өөрсдийнхөөрөө амьдралаа сонирхолтой болгож, аз жаргалтай инээмсэглээрэй. Чи бол энэ дэлхийн хамгийн үзэсгэлэнтэй бүсгүй шүү.

Эх сурвалж: Залуу бүсгүйчүүдийн ментор Гоолингоо
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(835)   Хаалтанд байгаа 3 оронтой тоог оруулна уу!

Сэтгэгдэл

Зочин: Soko.   2019-01-24
Bayarlalaa saihan niitlel baina.

Зочин: zochin.   2016-08-16
unshilgui yahaw shine medee orhin bnga huleej bngin unshigch bdag shuu uneher goy heregt ymnuud niiteldeg site shuude

Зочин: Googoo.   2016-08-13
Goolingoodoo bayarlalaa. Urgelj zuvlugch naiz min baisar irsen shuu

Зочин: Googoo.   2016-08-13
Goolingoodoo bayarlalaa. Urgelj zuvlugch naiz min baisar irsen shuu

Зочин: Namuna.   2016-08-11
Goolingoo chamdaa bayrlalaa. Chi ene delhiin hamgiin gaihaltai hvmvvsiin neg shvv. Iim saihan vgsiig busdad haramgvi hairlaj baidagt chin mashih bayrlaj baina. Chamd az jargal hvsie. Vrgelj iim gaihanshigtai heweeree baigarai!

Зочин: xixu.   2016-08-11
TTT han

Зочин: Uka.   2016-08-11
Unshilgui yaahv :) bainga zochilj niitlel bolgoniin algasalgui unshdag bayarlalaa Goolingoo-doo urgelj bidendee heregtei zuilsiig hurgej baidagt :* XOXO

Зочин: Анхаа.   2016-08-11
Уншдаг хүн зөндөө байгаа ш дээ

Зочин: Таны нэр.   2016-08-11
unshdag gants hoer hun n oor oor nereer unshdag olon hun unshdag geed bicheed bn uu daa kk

Зочин: uyanga.   2016-08-11
bnga unshdag nzuud bugd unshdag shuu

Зочин: Ema.   2016-08-11
Unsilgui yahav unshina

Зочин: Nomin.   2016-08-10
unshdag hun zunduu bailgui yahawde. bugd comment uldeedeggui l bolohos. bi law bainga shine nitlelig n unshdag. gehdee ogt comment uldedeggui hhehe gantsardsan, gutarsan uyd uneher tulhets boj itgel ugch chaddag, keep going forward goolingoo :)

Зочин: kkkkkkkkkkkkkkkkkkkk.   2016-08-10
ene saitiig unshdg hun bhgui bhaa heseg humuus l bichdg neg hoyrhon kk

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com