ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

12 сарын зурхай

Зурхай  | 2016 / 11 / 30

Жилийн сүүлийн сар ирлээ. Ирэх жилээ төлөвлөх, энэ жилээ дүгнэх маш чухал сар. 12 дугаар сард од эрхсийн зөгнөл юу гэж хэлэх бол?

12 сарын зурхай

Хонь

Хонинуудын зүрх сэтгэл энэ сард сайн сайхнаар дүүрэн байх бололтой. Хайр дурлалын Сугар гараг сарын ихэнх хугацаанд Бархасбадь гарагтай хамтран Хонинуудыг ивээж өнгөрүүлэх учраас тэр юм. Найз нөхөд, хамт олны арга хэмжээ ганц биечүүдийн хувьд шинэхэн романс эхлүүлэх талбар нь байх болно. Мөн хостой Хонинууд ч нийгмийн идэвхтэй байж, олон хүмүүстэй уулзаж, харилцаж, гадуур гүйх хэрэгтэй болох ба энэ нь харилцаанд чинь эергээр нөлөөлөх учиртай. Тиймээс сарын турш эрч хүчтэй байж зүрх сэтгэлээ чагнаарай. Мөн сонирхолтой ажлын санал эсвэл албан тушаалын өөрчлөлт хонинуудыг хүлээж байна. Ангараг болон Бархасбадь гарагиудын нөлөөгөөр сэтгэл хөдлөл өндөр байх учраас ажил, мөнгөтэй холбоотой шийдвэр гаргахдаа ул суурьтай хандаарай. Мэдээлэл, судалгаа, харилцаа холбоо болон медиатай холбоотой ажлаасаа анхаарлаа сулруулж болохгүй бөгөөд няхуур байхыг хичээгээрэй. Хувийн санхүүгийн нөхцөл байдлын хувьд хуучин төлөвлөгөөгөө ахин эхлүүлж магадгүй. Гэрээ, хэлэлцээр хийх, хамтын ажиллагаа, багийн ур чадвар шаардсан ажлуудад энэ сар ээлтэй байх ба мөнгө ч мөн тэндээс орж ирнэ. Харин хонинуудын биеийн эрүүл мэнд сайн харагдаж байгаа ч сэтгэл санаа тогтворгүй байна. Бусдын хүлээлтэд нийцүүлэх, магтаал сонсох, хүлээн зөвшөөрүүлэхийн тулд өөрийгөө хэт хүчлэх, улайрах хэрэггүй. Сэтгэл санаагаа аль болох тогтвортой байлгаж, эерэг тал руу тэмүүлээрэй. Эцэст нь бусдын тусламжаас нэрэлхэх, татгалзах хэрэггүй. Ганцаараа хийснээс илүү ихийг бусдын тусламжтай олж авч болно гэдгийг санаарай.

Үхэр

Үхрүүдийн зүрх сэтгэл юу мэдрэх нь ажил албатай нь ихээхэн холбоотой байх бололтой. Учир нь хайр дурлалын Сугар болон хосын амьдралыг тэтгэгч Ангараг гарагиуд энэ сард Үхрүүдийн ажил мэргэжил дээр төвлөрөх юм. Хостой Үхрүүд хайртыгаа ажилдаа татан оролцуулна эсвэл хамтын бизнесээ эхлүүлэх бололтой. Харин ганц биечүүд ажлын газрын романс эсвэл түнш, хамтран ажиллагчтайгаа учир ургуулах магадлалтай. Романтик аялал үхрүүдэд зориулагдан энэ сард төлөвлөгдсөн байна. Хол зайтай ажиллаж амьдарч байгаа хосуудын дунд бага зэрэг үл ойлголцол үүсч мэднэ. Гэхдээ та хоёрын харилцааг сүйтгэх хүч хүрэхгүй л болов уу. Харин ажил албаны хувьд тушаал дэвших, шагнал урамшуулал хүртэх гэх мэтээр онцлон тэмдэглэмээр амжилтууд хүлээж байна. Сугар, Ангараг гарагиудын нөлөөгөөр анхаарал татам, азтай, бүтээлч, эерэг байх болно. Цоо шинэ таатай нөхцөл байдал чамайг хүлээж байгаа бөгөөд суудал дээрээсээ гараа сунгаад л боломжийг атгаад авах болно. Харин санхүүгийн хувьд гэр бүл, хайртай хүнээсээ хамааралтай байх магадлал өндөр. Гэхдээ энэ нь чамд төдийлөн хүндрэл учруулахгүй. Үхрүүдийн эрүүл мэнд энэ сард асуудалгүй сайн байх хэдий ч чихэрлэг, тос, давстай хоол хүнсийг хэтрүүлж хэрэглэхээс татгалзаарай. Харин дасгал хөдөлгөөн хийх цагаа уртасгавал үр дүнтэй. Эцэст нь сарын хоёр дахь хагаст мөнгөө тооцоотой зарцуулаарай.

Ихэр

Нар болон Санчир гарагийн хосолсон нөлөөгөөр Ихрүүдийн хайр дурлалын амьдралд 12 сар онцгой сар болж өнгөрөх нь. Томоохон арга хэмжээ эсвэл томоохон шийдвэртэй холбоотой байх магадлал өндөр байна. Хамгийн гол нь урт хугацааны өөрчлөлт чамайг хүлээж байгаа бөгөөд энэ нь шинэ оныг цоо шинээр эхлүүлж байгаа мэдрэмжийг өгөх болно. Ерөнхийдөө энэ сард ихрүүдийн хайр дурлалын харилцаа таатай байхыг зөгнөж байгаа болохоор сайн өөрчлөлт ирнэ гэдэгт итгээрэй. Ганц биечүүд болон болзооноос хэтрээгүй харилцаатай байгаа Ихрүүд нухацтай харилцаа үүсгэх хүнтэйгээ учирна. 2016 оны 11 сараас 2017 оны 1 сарыг дуустал Ихрүүдийн хувьд мөнгө санхүү амьдралын хамгийн чухал сэдэвд тооцогдох болно. Тиймдээ ч 12 сард зээл, хөрөнгө оруулалт, хувийн бизнес, ашиг, нэмэлт орлого, түншлэл, хамтын ажиллагаа гэх мэт мөнгө санхүүтэй холбоотой сэдвүүд чамайг тойрон хүрээлэх болно. Гэхдээ энэ сард шинэ хөрөнгө оруулалт хийхэд ээлгүй. Харин хамтын ажиллагаа, түншлэлд ээлтэй юм аа. Мөн ихрүүд энэ сард эрүүл мэнддээ анхаарч биеэ чагнах хэрэгтэй. Хэдийгээр эрүүл мэндийн хувьд санаа зовох асуудал гарахгүй хэмээн од эрхэс зөгнөж байгаа ч урьдчилан сэргийлэх нь эмчлэхээс дээр шүү дээ. Мөн сэтгэл санаагаа аль болох өөдрөг, эерэг байлгаарай. Эцэст нь их хэмжээний мөнгөтэй холбоотой ажилд болгоомжтой хандаарай.

Мэлхий

Буд гарагийн буцах хөдөлгөөний улмаас Мэлхийнүүд хайр дурлалын талбар дээр энэ сард ойлгомжгүй, төвөгтэй асуудлуудтай тулгарна. Хостой Мэлхийнүүдийн хувьд ойлголцол, хүлээцтэй хандлага дутагдаж, зөрчилдөөнтэй уур амьсгал сэтгэл санааг тавгүйтүүлж, бууж өгөхөд хүргэж мэднэ. Гэхдээ нөгөө талаас энэ нөхцөл байдал та хоёрт бие биенээ илүү ихээр таньж мэдэх, хоёр хүний харилцаа ямар байх хэрэгтэй талаар чамд томоохон ухаарлыг өгөх бололтой. Харин ганц биечүүд сэтгэл зүрхний асуудлаас илүү өөрийн дотоод руу өнгийж, хүсэл мөрөөдөлдөө цагаа зарцуулна. Санчир, Бархасбадь гарагиудын нөлөөгөөр Мэлхийнхний ажил үйлс энэ сард үр жимсээ сайтар өгч эхлэх бололтой. Өөрийнхөө үүрэг даалгаврыг амжилттай биелүүлж, бусдад тусалж, баг доторх орон зайгаа мэдрүүлж чадна. Мөн Мэлхийнүүд өөрийнхөө амьдралын хэв маяг, ажиллах арга барил, ертөнцийг үзэх үзлээ өөрчлөхийг хүсэж, эргэн тойрондоо ч өөрчлөлт хийж эхэлнэ. Магадгүй ирээдүйн амьдралд чинь томоор нөлөөлөх шийдвэр гаргана. Харин санхүүгийн нөхцөл байдал тун сайн байх бөгөөд орлого олох суваг чинь нэмэгдэх хандлагатай байна. Гэрээ хамтын ажиллагаатай холбоотой ажилд хянамгай байгаарай. Нар болон Санчир гарагийн хосолсон нөлөөгөөр эрүүл мэндийн асуудал энэ сард үүсэхгүйгээр барахгүй амьдралын хэв маягаа өөрчилж, илүү эрч хүчтэй, зөв болгох тал дээр чи анхаарах болно. Эцэст нь бусадтай харьцахдаа аль болох тодорхой, чөлөөтэй байхыг эрхэмлээрэй.

Арслан

2016 оны 12 сар Арслангуудын хувьд хуял тачаал гэсэн үгээр тодорхойлогдох бололтой. Нар болон Сугар гарагийн нөлөөгөөр романтик, сэтгэл хөдлөл гэхээсээ илүү халуухан, тачаангуй мөчүүдийг өнгөрүүлэхийг хүснэ. Хүсэл тачаал оргилж, халуун дотно энхрийллээр дутаж байгаа мэт мэтрэгдэхээс гадна чи өөрөө ч хайртай хүнээ жаргаахыг хүсэх бололтой. Сэтгэл хөдлөл дээд цэгтээ хүрч, адреналин хүчтэй ялгарч, нэг үгээр Арслангууд дотроосоо шатах болно. Энэ нь ямар ч хайрыг асаах хүчтэй байна. Гэвч хэт их сэтгэл хөдлөл хяналтыг үгүй хийснээр хайртад чинь хэцүү санагдаж мэднэ. Энэ сарын ажил алба амжилттай байх эсэх нь чиний бусадтай хэрхэн хамтран ажиллахаас шалтгаална. Түншлэл, багийн болон байгууллагын хамтын ажиллагаа гээд бүхий л төрлийн харилцаандаа идэвхтэй, хариуцлагатай хандаарай. Ангараг гарагийн нөлөөгөөр чи энэ сард уян хатан байж, өөрийгөө бусдад зөвөөр илэрхийлж чадах ч өрсөлдөөн явагдаж байгаа гэдгийг санаарай. Бага зэрэг дарамт мэдрэгдэж, төвөгтэй нөхцөл байдал үүсэх бөгөөд тэр бүрт сэтгэлээр унах хэрэггүй. Хамгийн гол нь анхаарлаа төвлөрүүлж, ажлыг нийтэд нь харах явдал юм. Санхүүгийн хувьд тооцоотой байж, ашиггүй зарлагаа танаарай. Буд гарагийн буцах хөдөлгөөн болон Тэнгэрийн ван, Далайн ван, Бархасбадь гарагиудын давхцлаас шалтгаалж гадны нөлөөтэй осол гэмтэлд орж болзошгүй. Мөн сэтгэл санааны тогтворгүй байдал биеийн чинь эрүүл мэндэд нөлөөлж мэдэх учир анхааралтай, өөртөө арчаатай байгаарай. Эцэст нь аялал болон хүнд юм өргөх үед болгоомжтой байгаарай хэмээн од эрхэс сануулж байна.

Охин

Санхүү, мөнгөтэй холбоотой асуудлуудаар амьсгалсан сар айсуй. “Хэрхэн орлогоо нэмэгдүүлэх вэ?”, “Энд хямдралтай байгаа юм байна”, “Би мөнгөгүй байгаа болохоор чи хүүхдээ сургуульд нь хүргэж өгөөрэй” гэх мэт мөнгийг тойрсон уур амьсгал гэрт чинь ноёлно. Ганц биечүүд ажлын хамтрагч эсвэл мэргэжлийн хувьд холбоотой хүнтэй шинэхэн романс үүсгэж магадгүй. Охиныхон хайр сэтгэлийн асуудалдаа илүү бодитоор хандаж, сэтгэл хөдлөлөө дарах болно. Гэхдээ энэ нь төгс сайн гэсэн үг биш ч тийм гэж тодорхойлоход хэцүү юм. Ажил албаны хувьд завгүй сар ирж байна. Хийх ажил толгойтой үснээс их байх ба хамгийн сонирхолтой нь чи тэр тусам нь эрч хүчтэй байж, ажлаасаа таашаал авч чадна. Сугар, Ангараг гарагийн нөлөөгөөр Охиныхон ажлаасаа санхүү болон сэтгэл санааны ханамж авч чадна. Буд гарагийн буцах хөдөлгөөний улмаас өрсөлдөөн ширүүсч, ажил дээр дайсагнасан, бие биенээ давах гэсэн хүйтэн уур амьсгал давамгайлж магадгүй. 2017 оны 1-2 сард нөхцөл байдал тодорхой болж, уур амьсгал дээрдэнэ. Охиныхон энэ сард амьдралын хэв маягтаа анхаарч, бүхнийг өөрчлөхийг хүснэ. Амны хөндийн эрүүл мэнддээ анхаарвал сайн. Баяраас өмнө фитнес бүжиг гэх мэтээр хичээллэвэл сэтгэл санаанд чинь сайнаар нөлөөлнө. Эцэст нь хүүхэдтэй бол хараа хяналттай, бие давхар бол болгоомжтой байгаарай хэмээн од эрхэс сануулжээ.

Жинлүүр

Хайр дурлалын Сугар гараг, хүсэл тачаал бэлэглэгч Ангараг гараг хоёул Жинлүүрүүдийг ивээж байгаа учраас сарын турш урин тачаангуй байдал чиний дотоод бас гадаадад ноёлно. Ганц биечүүд шинэхэн учирлаа догдлол, сэтгэл гэхээсээ илүү сексийн нийцлээр дүгнэнэ. Энэ сар бол Жинлүүрүүдийн хувьд өөрийнхөө тачаангуй талыг шинээр олж нээх, шинэ туршилт хийх, харилцаагаа сексийн хувьд шинэ түвшинд гаргах үе юм. Хостой Жинлүүрүүдийн хувьд сарын турш харилцааных нь гол түлхүүр секс байх бололтой. Өөрийнхөө болоод бүтээгдэхүүнийхээ нэр хүндийг өсгөхөд ээлтэй. Ангараг гарагийн нөлөөгөөр өөрийгөө зөв илэрхийлж, ур чадвараа харуулж, бусдыг өөртөө татаж, дэмжлэг авч чадна. Мөн урлаг спорттой холбоотой авьяас чинь чамд хэрэг маш ихээр хэрэг болох болно. Сурах, бичих, лекц тавих, ярилцлага өгөх, хэлэлцээр хийхэд ээлтэй. Хувийн санхүүгийн нөхцөл байдал дээшилнэ. Сарын эхний хорь хоногт эрүүл мэндийн хувьд асуудалгүй байх ч сүүлийн арав хоногт Ангараг гарагийн нөлөөгөөр халдварт өвчин тусаж, хууч өвчин сэдэрч мэднэ. Баярын өдрүүдээр өөрийгөө чагнаж, эрүүл мэнддээ анхаараарай. Эцэст нь гэр бүл, эцэг эх, үл хөдлөх хөрөнгө гэх мэт урт хугацаанд чиний дэргэд, чамд байх зүйлсэд анхаарч, халамжлаарай.

Хилэнц

Шинэ сард Хилэнцийн ордны хосуудын хоорондоо илүү ойр дотно байна. Од эрхэс чамайг романтик, тав тухтай, дулаахан, бусдын хараанаас хол аз жаргалтай орчинд хостойгоо хамтдаа цаг хугацааг өнгөрүүлэхийг зөвлөж байна. Хэрвээ гэрээсээ холдох боломжгүй байгаа бол гэртээ ч гэсэн тийм орчныг бүрдүүлж хайртай хүндээ аз жаргалтай дурсамж үлдээгээрэй. Ер нь чамайг энэ сард хостойгоо хамтдаа цагийг хөгжилтэй өнгөрүүлж, хамтдаа дэлгүүр хэсэн гэртээ шинэ зүйл авч, гэрээ чимэглэж эсвэл ямар нэгэн гэр бүл, найз нөхдийнхөө үдэшлэг уулзалтанд хамтдаа очиж хосдоо илүү их ойр дотно байх хэрэгтэй гэж зөвлөсөн байна шүү. Харин ганц бие Хилэнцүүд энэ сард өнгөрсөнд үлдсэн хайр дурлалынхаа дурсамжийг эргэн санаж, бүр хуучин хайрттайгаа ч таарч мэднэ. Сарын сүүлээр ямар нэгэн зүйлд ховсдуулсан мэт асар их дур хүсэлд автана. Нарны нөлөөгөөр худалдаа наймаа эрхлэх, орлогоо нэмэгдүүлэх, бизнес эрхлэх зэрэг мөнгөтэй холбоотой мэдрэхүй чинь маш хурц мэдрэмтгий байх аж. Үл хөдлөх хөрөнгө болоод ямар нэгэн өвийн эрхтэй холбоотой үйл ажиллагаатай холбогдоно. Гэхдээ санхүүгийн холбогдолтой гэрээ хэлцэл дээр гарын үсэг зурахдаа анхааралтай байж аль болох бүхий л анхаарлаа төвлөрүүлэн, мэргэжлийн түвшинд хандахыг од эрхэс сануулж байна шүү. Энэ 12 сарыг дуусан дуустал үйл хөдлөл, хэлэх үг, бичих бичээс, гаргах шийдвэртээ анхааралтай хандах хэрэгтэй. Мөн эрүүл мэнддээ анхаарч сайтар амрах хэрэгтэй. Учир нь энэ янзаараа стрестсээр байвал мэдрэлийн ядаргаа чинь хурцдаж мэдэх нь. Мөн тээврийн хэрэгсэлд няхуур хандан болгоомжтой жолоодож, сөрөг харилцаанаас зайлсхийхийг зөвлөж байна.

Нум

12-р сарын турш Нумынхны хайр дурлалын амьдрал мөнгө, санхүүгийн шийдвэрүүдтэй ямар нэг байдлаар холбогдох төлөвтэй байна. Харамсалтай нь тийм ч эерэг талаараа холбогдохгүй байж мэднэ. Нумын хайр дурлалыг хариуцагч Буд гараг мөнгөний ордноо байрлаж байгаа бөгөөд урагшлах биш ухрах хөдөлгөөн хийж байна. Нөгөө талаар, Нумын ордныхон мэргэжлийн, оюунлаг байдал, харилцан яриануудад татагдаж, гүйлгээ ухаантай хүмүүст сэтгэл алдрах магадлалтай. Ирж буй сард сексийн болон харилцааны амьдралаа сайжруулахад чинь тус болох зөвлөгөө, мэдээллийг ямар нэг эх сурвалжаас олж сонсох болно. Санхүүгийн хувьд 12-р сар онцлууштай сар болж өнгөрөх нь. Санхүүдээ анализ дүгнэлт хийж, ямар шийдвэр буруу болон зөв байсныг үнэлж цэгнэх цаг болжээ. Өрөө төлж, мөнгөний асуудлуудаа эмхэлж цэгцлээрэй. Ажил мэргэжлийн томоохон шийдвэр гаргахад тийм ч таатай сар биш учраас чухал зүйлийг 1-р сарын 8 хүртэл хойшлуулах нь дээр. Үүнд үл хамаарах нэг нөхцөл бий: Карьер, санхүүтэй холбоотой, өнгөрсөнд аль хэдийнэ биелэгдсэн боловч түр хугацаагаар зогссон эсвэл хойшлуулсан байсан зүйлс буцаад анхаарлын төвд орвол хойшлуулалгүй, шийдвэрээ чөлөөтэй гаргаарай. Оюун ухаан, мэдээлэл, харилцаа холбоотой хамаатай ямар ч зүйл дээр амжилт олох магадлал өндөр. Биеийн ерөнхий эрүүл мэнд сайн бөгөөд чи өөртөө илүү итгэлтэй болж, шооч хошин зангаа мэдэрнэ. Бага зэрэг тэвчээргүй зангаасаа болоод жижиг осол бэртэлд орж болзошгүй тул болгоомжтой бай. 12-р сарын турш гадуур явж, янз бүрийн хүмүүстэй ярилц. Чи өөртөө хэрэгтэй олон зүйлийг мэдэж авах болно.

Матар

Энэ сард чи хамгийн, хамгийн дур булаам нэгэн байх болно. Хамгийн халуухан нь, хамгийн хайр татам нь, хамгийн азтай нь бас хамгийн их хайрлагдсан нэгэн байх ба хосуудын харилцаа ч хайр дурлалаар бялхан эв найрамдалтай байх аж. Харин сарын сүүлээс хайр дурлалын харилцааг удирдагч Сугар гараг нүүдэллэх ба энэ нь чамайг бага зэргийн уйтгарт автуулж мэднэ. Эсвэл чи хэтэрхий практикт анхаарч бүх зүйлийг бодит байдалтай жишиж үзэх хандлага гаргах болно. Хосууд мөнгө санхүү болон хэрэглээ хэрэгцээндээ түлхүү анхаарал хандуулна. Гэхдээ бүү санаа зов энэ нь та хоёр бодит байдлаа хүлээн авч, харилцаагаа сайжруулж байгаагийн илрэл. Тун удахгүй буюу сарын дунд үеэс хосуудын сэтгэл хөөрөл болоод гал халуун дур хүсэл эргэн ирэх болно. Матрын ордныхны мөнгө санхүүгийн харицлаанд гэрээ хэлэлцээр, болоод хувийн ашиг сонирхол давамгайлах нь. Олон газраар аялж, шинэ хүмүүстэй танилцаж, хүлээн авалтуудад оролцож, янз бүрийн хүмүүсээс олон сонирхолтой шинэлэг мэдээллүүдийг авах болно. Мөн 12 сар чамд оюуны асар их ачааллыг оногдуулах болно. Гэхдээ үр дүнд л анхаарлаа хандуулж үнэлгээ өгөөрэй. Эрүүл мэнд бол чиний хувьд энэ сарын хамгийн чухал сэдэв. Учир нь биеийн чинь ерөнхий дархлаа сайн биш байгаа болохоор өвчлөмтгий байх хандлагатай. Өмнө нь хийлгэж байсан эмчилгээгээ давтан хийлгэж, хууч өвчин сэдэрч магадгүй. Эцэст нь чамайг бусадтай харилцах харилцаандаа анхааралтай байж, өөрийн санаа бодлоо тодорхой илэрхийлж, бусдыг ч мөн анхааралтай сонсч сурахыг зөвлөж байна.

Хумх

Сарын 7-оос хайр дурлалын Сугар гараг, 19-өөс хүсэл тачаалын гараг Ангараг Хумхын ордны хосын харилцааг ивээснээр сэтгэл хөдлөл хүчтэй байна. Хайрыг хүсэх хүсэл өндөр, бусдыг татах увидас хурц байна. Хостой Хумхууд харилцаагаа шинэ түвшинд гаргах томоохон шийдвэр гаргана. Ихэнх хумхуудыг насан туршдаа дурсах сайхан дурсамж энэ сард хүлээж байна. Баярын догдлол эхлэхээс өмнө Ангараг гарагийн нөлөөгөөр урдах ажилдаа өөрийгөө бүрэн дайчилж, хамгийн сайн гэсэн үр дүнд хүрэхээр ажиллана. Хэрвээ интернэт сүлжээнд суурилсан, гадаад түншүүдтэй хамтарсан, соёл, боловсрол, оюун санаа, хуулийн холбогдолтой ажил эрхэлдэг бол 12 сар чамд санхүүгийн тогтвортой өсөлтийг амлаж байна. Хувийн танилын сүлжээнийхээ ашиг тусыг хүртэнэ. Хэн нэгэн араар чинь хор хутгаж, цуу үг тарааж байна, болгоомжлоорой. Сарын турш эрч хүчтэй байж, биеийн эрүүл мэндэд санаа зовох шаардлагагүй. Гэсэн ч бие, сэтгэл санаагаа огт хайхрахгүй орхиж болно гэсэн үг биш. Сэтгэл санаа чинь эмзэг, тогтворгүй байж, осол гэмтэл гарч мэдэх учраас болгоомжтой бай. Эцэст нь дэмжигч, хамгаалагчдаараа өөрийгөө хүрээлүүлээрэй.

Загас

Энэ сар Загаснуудын хайр дурлалын хувьд хамгийн жаргалтай сар биш байж болох ч их зүйл сурах үе ирж байна. Хосуудын хувьд хамтдаа шинэ зүйлийг эхлүүлэх талаар ярилцахад тохиромжтой. Энэ сард загасны ордны захирагч Буд гарагийн нөлөө байх учир ирээдүйг төлөвлөж ярилцахад таатай. Найз нөхөд эсвэл сэтгэлзүйчтэй ярилцаснаар хайр дурлалынхаа асуудлыг арай өөр өнцгөөс харж, асуудлаа шийдэхэд тус болно. Хамт олны арга хэмжээн дээр хуучин хайртайгаа таарч магадгүй. Энэ сард загаснуудын амьдралд томоохон өөрчлөлт гаргаж болзошгүй төслийн санал ирнэ. Энэ нь одоо хийж байгаагаас тэс өөр,шинэ зүйл эсвэл бага зэргийн шинэчлэл ч байж болно. Ижил сонирхолтой хүмүүс ажлын талбар дээр томоохон нөлөө үзүүлнэ. Харин санхүүгийн хувьд тийм ч таатай нөхцөл бүрдэхгүй. Эрүүл мэндийн хувьд загаснууд амралтын байдлыг илүүтэй хүсэмжлэх бололтой. Энэ нь ч сайн бөгөөд сайтар амарч энергиэ гамнах нь зөв сонголт болно. Харин сарын 19-нөөс эхлэн шинэ оноо эрч хүчтэйгээр угтах боломж бүрдэнэ.

Эх сурвалж: Залуу бүсгүйчүүдийн ментор Гоолингоо
  |  
Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(910)   Хаалтанд байгаа 3 оронтой тоог оруулна уу!

Сэтгэгдэл

Зочин: june.   2017-06-15
zurhai niitledeg hunee ajlas n halad udaj bn sh de

Зочин: may.   2017-06-12
Ene website bur dampuurchijee. Zurhai ntr n ch bhgui. heregtei ch ym niitlehee bolij. Ingj bsnaas haaval taarna.

Зочин: zochin.   2017-05-01
ygd sariin zurhai oruulha bolichson ym beeeee t.t

Зочин: Duuka.   2017-03-23
Sain baina uuu goolingoo ygaad zurhai garahaa baichihsan ym be zurhai bhgui hetsuuu bn

Зочин: Donkeyholyshit.   2017-03-18
3 sariin zurhaigaa ydj harchiy tghoo

Зочин: Abi.   2017-03-05
Hvvyeee ene site chn ygaa weee zurhai ntree oruulaachee

Зочин: zurh.   2017-02-24
зурхайгаа яагаад оруулахаа болчихсон юм бэ? Оруулаагүй сараа оруулаарай .

Зочин: Таны нэр.   2017-02-11
Yagad ene jiliinhee zurhaig niitlehgui bga um be unshihad ih sonirholtih sonirholtoi bdag umsan

Зочин: khurelll.   2017-02-07
1,2 sariin zurhai haisan blowch oruulj amjaagu bloltoi. hzee oruulj chadah bl?

Зочин: miigaa.   2017-02-07
HI GOOLINGOO. yagaad zurhaigaa niitlehgui bgn bee

Зочин: tsolmon.   2017-02-03
Sain uu? Goolingoo zurhaigaa yadaad niitlehee bolichihson yum be

Зочин: anhbayr.   2017-02-01
ggjgg

Зочин: зочин.   2017-02-01
2017 оны зурхайгаа хүлээсээр байгаад эмгэн болчихсон байхвийдээ хэхэ

Зочин: Naraa.   2017-02-01
2 sariin zurhai bhgui yumuu

Зочин: Tumee.   2017-01-28
2017 onii zurhai 1r sariin zurghai yagaad tawihgui bgan be

Зочин: tuul.   2017-01-22
1r sariinha zurhaig oruulahgvi bsiin bhda hvleeser bgl sar barag duuslaa daraa n ingej udaahgvi ym bgaz de daraa sariinhiiga l hvleej baiy da

Зочин: J.   2017-01-19
Jiliin bolon 1r sarin zurhaig heze oruulah vee

Зочин: Ss.   2017-01-19
shine zurhaigaa unshmaar bna shuu. 12 sariin zurhaig ergej unshsan chin bolj ongorson bugd nudend hargadlaa

Зочин: Таны нэр.   2017-01-17
Зурхайгаа оруулахгүй юм байх даа. Уг нь дажгүй оруулаад явдаг байсан, таг шүү

Зочин: tuka.   2017-01-16
2017 on bolon 1 sariin Zurhaigaa hvleegeed l bgaa shvv Goolingoo meen

Зочин: зочин.   2017-01-16
1 сар болон 2017 оны зурхай яасан бэ

Зочин: Zochin.   2017-01-13
Hi. goolingoo 1 sariin zurhaigaa hzee oruulahiin ? odor bolgn l orj shalgahiin . huleej bga shu . bayrllaa

Зочин: saraa .   2017-01-12
2017 on 1 sariin zurhaigaa hezee oruulhiin

Зочин: Таны нэр.   2017-01-12
Сүүлийн үед энэ сайт бүр явахаа байлаа шүү

Зочин: sara.   2017-01-11
2017 onii zurhaigaaa hiigechee esvel ene site-aa alban esooor haa

Зочин: heko.   2017-01-10
1 sariin zurhai garah boloogvi yumu.uul n sar bolgonii eheer gardgiin bnga l hvleej unshdiin

Зочин: Goo.   2017-01-10
Өдөр бүр л орж шалгах юм, байдаггүй

Зочин: loyuka.   2017-01-10
1 sariin zurhaigaa oruulaldaa. baingiin unshigchid n tesen ydan hul;eej bn shude.

Зочин: Tugsuu.   2017-01-10
Zurhai 2017 oniih oruulahgui ymuu?

Зочин: dolgor.   2017-01-09
2017 onii zurhainuudaa oruulj uguuch huleej bna shuu hurdlaarai

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com